Zaman. Հռոմի Պապը կայցելի Թուրքիա

Ըստ թուրքական «Զաման» պարբերականի` Հռոմի Պապ Ֆրանցիսկոս 1-ինը 2014 թվականի նոյեմբեր ամսին կայցելի  Թուրքիա:

Պարբերականը, հղում անելով Վատիկանին մոտ կանգնած իր աղբյուրներին, գրում է, որ Պապը Թուրքիա այցելելու հրավերը ստացել է իր գահակալման արարողության մասնակցած Հույն ուղղափառ եկեղեցու Պատրիարք Բարդուղիմեոսի կողմից, և Պապի վերոնշյալ այցը Ստամբուլ կլինի պատասխան այց հույն պատրիարքին:   

Ըստ աղբյուրի` այցի համար նախապատրաստական աշխատանքներն արդեն սկսվել են:
«Այցելությունը կաթոլիկ և ուղղափառ աշխարհի համար մեծ նշանակություն ունի: Կաթոլիկ և ուղղափառ աշխարհների առաջնորդների հանդիպումը Ստամբուլում կթուլացնի նրանց միջև գոյություն ունեցող լարվածությունը և կդառնա երկխոսության ճանապարհներից մեկը»,-ասվում է «Զամանի» հրապարակման մեջ:
Նշվում է, որ վերջին Պապը, որ այցելել է Թուրքիա, եղել է Բենեդիկտոս 16-րդը, 2006 թվականին: Չնայած Պապի այցելության ժամկետները հստակեցված չեն, սակայն աղբյուրները այն շատ հավանական են համարում:
 Դեռ հայտնի չէ` Պապն Անկարա կայցելի, թե ոչ:

http://ermenihaber.am/?lang_id=2&news_=7&cur_news=670