Թուրքական պատմագիտական ընկերությունը հայ–թուրքական հարաբերություններին նվիրված ընդարձակ աշխատություն է պատրաստվում ստեղծել։
Թուրքական Anadolu լրատվական գործակալության փոխանցմամբ՝ Թուրքական պատմագիտական ընկերության նախագահ Մեթին Հուլագուն հայտնել է, թե հայ-թուրքական հարաբերությունները նախկինից մինչեւ մեր օրերը ներկայացնող ընդարձակ աշխատության մեջ տեղ կգտնեն տարբեր հեղինակների աշխատանքներ։ Այդ աշխատությունը պատրաստ կլինի 2015-ին եւ կլինի մինչեւ այժ հայ-թուրքական հարաբերությունների մասին առաջին աշխատությունը»,-ասել է Մեթին Հուլագուն՝ շեշտելով, թե նախատեսում են աշխատությունն ավարտել մեկ տարվա ընթացքում։
Նշենք, որ նախորդ տարի հայ եւ թուրք լրագրողների հետ հանդիպման ժամանակ Մեթին Հուլագուն տհաճ իրավիճակում էր հայտնվել՝ Հայոց ցեղասպանությունը ժխտող ծիծաղելի առարկությունների պատճառով։ Նույնիսկ հանդիպմանը ներկա թուրք լրագրողները ծիծաղել էին Հուլագուի ասածների վրա։
Leave a Reply