Իգդիրում կառուցված հսկայական մզկիթի մինարեթները երևում են Հայաստանից

Ըստ թուրքական «Հաբեր7» լրատվական կայքի` Թուրքիայի Իգդիր քաղաքում կառուցվել է հսկայական մզկիթ, որի 82 մետրանոց մինարեթները երևում են Հայաստանից:

Իգդիրի Բաղլար թաղամասում 2 հազար քմ տարածք զբաղեցնող մզկիթի կառուցումը սկսվել էր 2006 թվականին, և դեռևս մզկիթի շինարարության ընթացքում ասվում էր, որ մինարեթներն այնքան բարձր են լինելու, որ տեսանելի լինեն Հայաստանից: Այդ հսկայական մզկիթում 6 հազ. մարդ միաժամանակ կարող է նամազ անել:

Մոտ 4 միլիոն թուրքական լիրա արժողությամբ մզկիթում կա փակ ավտոկայանատեղի, զոհասեղան, դիահերձարան, համաժողովի սրահ, Ղուրանի դասընթացների սրահ և գրադարան:

http://ermenihaber.am/?lang_id=2&news_=7&cur_news=666