Հայտնի թուրք ըմբիշ Ռըզա Քայաալփը, որը Գեզի զբոսայգու հետ կապված ցույցերի ժամանակ «հայ» բառով փորձել էր վիրավորել ցուցարարներին, Սևծովյան խաղերի ժամանակ եղել է թուրքական պատվիրակության դրոշակակակիրը։
Թուրքական «Ռադիքալն» իր հոդվածում քննադատել է այդ քայլը՝ հիշեցնելով, թե Քայաալփն ինչպես է իրեն պահել բողոքի ցույցերի ժամանակ։
Մասնավորապես, Թուրքիայի ըմբշամարտի հավաքականի անդամը «Թվիթերով» վիրավորանքներ և հայհոյանքներ են հասցրել ցուցարարներին, ինչպես նաև վիրավորական երանգով օգտագործել «հայ» բառը։
Թվիթերյան գրառումներում գրել էր. «Հայաստանի ժողովրդին եք ուրախացնում, Թաքսիմն եք գրավում, Թուրքիան վիրավորում… Ձեր արածը *****», «Դուք հայեր եք, հայրենիքի դավաճաններ, ստոր հրոսակներ» և այլն։
Սակայն նման պահվածքը չի խանգարել, որպեսզի Թուրքիայի սպորտի նախարարությունը հենց Քայաալփին ընտրի որպես Թուրքիայի պատվիրակության դրոշակակիր Սևծովյան խաղերի համար։
Leave a Reply