Թուրքիոյ մէջ Հայոց ցեղասպանութեան 100-րդ տարելիցին ընդառաջ նախապատրաստութիւններ

Յուլիս 6ին, Պոլսոյ մէջ, «Ցեղապաշտութեան եւ Ազգայնամոլութեան Կեցի՛ր ըսէ» (աւելի ծանօթ՝ DurDe անունով) նախաձեռնութիւնը՝ երկու նիստէ բաղկացած ժողով-վիճարկում մը կազմակերպած է, ճշդելու համար այն ծրագիրը, որ պիտի գործադրուի Հայոց Ցեղասպանութեան 100րդ տարելիցին առթիւ։

Առաջին նիստին բանախօսութիւններ ներկայացուցած են Թանէր Աքչամ, զոր ներկայացնելու անհրաժեշտութիւնը չենք զգար այլեւս, ինչպէս նաեւ Իւմիթ Քուրթ, որ «Օրէնքներուն ոգին» գիրքին հեղինակն է։ Քուրթ խօսած է յատկապէս ուրացման քաղաքականութեան մասին։

Իսկ երկրորդ նիստին, մասնակիցները վիճարկած են 100ամեակին ընդառաջ որդեգրուելիք ծրագրին շուրջ։

http://www.horizonweekly.ca/news/details/12410