Անկարան խառնվում է Եգիպտոսի ներքին գործերին, քանի որ Թուրքիայում իշխանությունը գտնվում է իսլամական կուսակցության ձեռքին: Այս մասին NEWS.am-ի թղթակցի հետ զրույցում նշեց Հայաստանի ԳԱԱ արեւելագիտության ինստիտուտի տնօրեն, թուրքագետ Ռուբեն Սաֆրաստյանը:
Նրա խոսքով՝ թուրքական իշխանությունները հանդես են եկել հայտարարությամբ՝ քննադատելով Եգիպտոսի բանակի գործողությունները ոչ միայն գաղափարապես իրենց մոտ գտնվող «Մահմեդական եղբայրներին» օգնելու, այլեւ իրենց դիրքերը արմատական տրամադրված մահմեդականների շրջանում ամրապնդելու նպատակով: «Թուրքիայի համար կարեւոր է ամրապնդել իր դիրքերը արմատական տրամադրված։ մահմեդականների շրջանում»,-ասաց Սաֆրաստյանը:
Հիշեցնենք, որ զինվորականների կողմից Եգիպտոսի նախագահի պաշտոնանկությունից հետո Թուրքիայի իշխանությունները հանդես էին եկել հայտարարությամբ, որտեղ քննադատել էին Եգիպոսի բանակի գործողությունները: Թուրքիայի վարչապետ Ռեջեփ Թայիփ Էրդողանը պահանջել էր վերականգնել Մուրսիին նախագահի պաշտոնում:
Նշենք, որ նախօրեին Եգիպտոսում Թուրքիայի դեսպան Հուսեյն Ավնի Բոթսանլըին կանչել էին Եգիպտոսի ԱԳՆ եւ բանավոր նախազգուշացում հայտնել՝ Թուրքիայի կառավարության հայտարարության առնչությամբ:
Leave a Reply