Թուրքերն ամենակրոնասերն են. հարցում

Գերմանական Bertelsmann հիմնադրամը 13 երկրում` 14 հազ. մարդկանց շրջանում սոցհարցում է անցկացրել` պարզելու, թե որ երկրում են ավելի կրոնասեր, հաղորդում է թուրքական Radikal-ը: Ըստ հարցման արդյունքների` Թուրքիայի բնակչությունն ամենակրոնասերն է, քանի որ 82%-ը պատասխանել է, որ «շատ կրոնասեր է» կամ «բավական կրոնասեր է»:

Թուրքիայից հետո ամենակրոնասեր հասարակությունը Բրազիլիայինն է, որին հաջորդում է Հնդկաստանը: Իրեն կրոնասեր է համարել ամերիկացիների 67%-ը և գերմանացիների 57%-ը:

Ըստ Bertelsmann հիմնադրամի հարցման արդյունքների` ոչ կրոնասեր առաջին ժողովուրդն իսրայելցիներն ու շվեդներն են:

Իսլամականությունը սպառնալիք է համարում Իսրայելի բնակչության 76%-ը, Իսպանիայի` 60%-ը, ԱՄՆ-ի` 42%-ը, ինչպես նաև Գերմանիայի շուրջ 50%-ը, որտեղ շուրջ 3,5 մլն մուսուլման է ապրում:

Ուշագրավ է նաև, որ իսլամադավանների շրջանում քրիստոնեությունն ամենամեծ սպառնալիքը համարում են թուրքերը: Այս ցուցանիշով երկրորդը Իսրայելն է:

«Արդյոք ձեր կրոնն այլ կրոններից բա՞րձր եք դասում» հարցին թուրքերի 59%-ը դրական է պատասխանել: Ըստ հարցման արդյունքների` այս ցուցանիշով ևս թուրքերը գրավում են առաջին տեղը:

http://civilnet.am