Թուրքիայի ոստիկանությունը այցելուների համար կրկին փակել է Ստամբուլի Գեզիի պուրակը՝ այնտեղ նախատեսված ընդդիմադիր հանրահավաքից առաջ: Իշխանության ներկայացուցիչներն իրենց գործողությունները որեւէ կերպ չեն մեկնաբանել:
Հուլիսի 8-ի առավոտյան Գեզիի պուրակը, որը Թուրքիայում լուրջ հուզումների առիթ էր դարձել, վերակառուցումից հետո բացվել էր, սակայն հետո ոստիկանները դուրս են բերել պուրակում գտնվողն մարդկանց եւ թույլ չեն տվել ոչ ոք մտնի այնտեղ, գրում է Lenta.ru-ն՝ վկայակոչելով Reuters-ը:
Հիշեցնենք, որ «Համերաշխություն Գեզիի հետ» շարժման ընդդիմադիրները կոչ են արել իրենց կողմնակիցներին հավաքվել պուրակում՝ ընդդեմ Ռեջեփ Թայիփ Էրդողանի կառավարության:
Գեզիի պուրակը վերակառուցման մեջ է գտնվում էհունիսի 15-ից: Դրանից առաջ ոստիկանությունը դուրս էր վռնդել ընդդիմադիր ակտիվիստներին, որոնք ի սկզբանե բողոքում էին պարկում շինարարության դեմ:
Leave a Reply