Գիրեսունում որոշել են վերականգնել եկեղեցին՝ հանուն զբոսաշրջության

Թուրքիայի սևծովյան Գիրեսուն նահանգի Գյորելե շրջանում պատրաստվում են վերականգնել քրիստոնեական եկեղեցին, տեղեկացնում է «Իհլաս» գործակալությունը։

Եկեղեցին գտնվում է Այդընլար բնակավայրում։ Թուրքական աղբյուրները չեն նշում, թե եկեղեցին քրիստոնեական որ ուղղվածությանն է պատկանում, սակայն դարեր շարունակ այս տարածքներում մեծ թվով հույներ և հայեր են ապրել։

Այդընլարի քաղաքապետարանում նշում են, որ եկեղեցու վերականգնումից հետո իրենք նպատակ ունեն տարածքում զարգացնել զբոսաշրջությունը։

Նշվում է, որ եկեղեցին վերականգնելու վերաբերյալ որոշումը հաջողությամբ ընդունվել է դեռ 2005 թվականին, սակայն այս ընթացքում որևէ աշխատանք չի իրականացվել։ Առաջիկայում տեղի իշխանությունները պատրաստվում են սկսել վերականգնման աշխատանքները։

http://haynews.am/hy/1373277761