Թուրքիայի Բոլու քաղաքում 9 մարդ տուգանվել է հակակառավարական բովանդակության պաստառների համար, որոնք նրանք առանց թույլտվության կախել են քաղաքի պողոտաներից մեկում: Պաստառի միջոցով քաղաքացիները իրենց աջակցությունն են հայտնել Գեզի այգու համար սկսված և ամբողջ Թուրքիայով տարածված ցույցերի մասնակիցներին: Օրինախախտներից յուրաքանչյուրը պետք է վճարի հազար լիրայի չափով տուգանք:
Միևնույն ժամանակ Թուրքիայի ընդդիմադիր Ժողովրդահանրապետական կուսակցության պատգամավորը հայտարարել է, որ քաղաքապետարանը իրավունք չունի դրամական տույժի ենթարկել քաղաքացիներին և պետք է չեղյալ համարի այդ որոշումը: Պատգամավորը կոչ է արել Բոլուի բնակչությանը աջակցել տուգանված քաղաքացիներին և օգնել նրանց հավաքելու սահմանված գումարը:
Leave a Reply