Թուրքական դատարանը որոշեց արգելել «Թաքսիմ» նախագծով շինարարությունը համանուն հրապարակում և Գեզի զբոսայգում։
Այսպիսով, դատարանն արգելել է Թաքսիմ հրապարակում և նրա տարածքում գտնվող Գեզի զբոսայգում շինությունների կառուցումը, փոխանցում է թուրքական «Ռադիքալ» պարբերականը։
Մասնավորապես, Գեզի զբոսայգու տարածքում, որը նախկինում եղել է հայկական գերեզմանատուն, նախատեսվում էր վերականգնել Հրետանավորների զորանոցը, որը պետք է վերածվեր խոշոր առևտրի կենտրոնի։ Սակայն դատարանի որոշմամբ այդ նախագիծը չի կարողանա կյանքի կոչվել։
Նշենք, որ Թուրքիայում հակակառավարական ելույթները սկիզբ առան այս նախագծի կյանքի կոչման պատճառով։ Գեզի այգու համար պայքարող ակտիվիստների փոքր խմբի բնապահպանական պահանջներն արագորեն վերաճեցին Թուրքիայի ողջ տարածքով զանգվածային բողոքի ակցիաների։
allTurkey.am
Leave a Reply