Օջալանը դժգոհ է թուրք-քրդական հաշտեցման գործընթացից

Խոսելով թուրք-քրդական հաշտեցման գործընթացի մասին` քուրդ ժողովրդի առաջնորդ հռչակված Աբդուլլահ Օջալանն ասել է, որ գործընթացը միակողմանի չի կարող լինել, անհրաժեշտ է րոպե առաջ քայլ կատարել: Ըստ քրդական Firat գործակալության` Իմրալը կղզում Օջալանի հետ է հանդիպել եղբայրը` Մեհմեթ Օջալանը, որն էլ փոխանցել է PKK-ի (Քրդստանի աշխատավորական կուսակցության) հիմնադրի խոսքը:

Օջալանն ասել է, որ ինքն անում է հնարավոր ամեն ինչ` ակնարկելով, որ այժմ եկել է թուրքական պետության` կոնկրետ գործողությունների դիմելու ժամանակը:

PKK-ն պնդում է, թե իր զինյալներին դուրս է բերել Թուրքիայից և սպասում է քրդերի դրությունը բարելավող քայլերի իրականացմանը: Թուրքիայի վարչապետ Ռեջեփ Թայիփ Էրդողանն էլ նշում է, որ PKK-ի զինյալները դեռ Թուրքիայում են:

Մեհմեթ Օջալանն ասել է նաև, որ Աբդուլլահ Օջալանի առողջական վիճակը լավ չէ:

http://civilnet.am