Ստամբուլում հարգել են Սեբաստիայի դեպքերի զոհերի հիշատակը

Ստամբուլում նախօրեին խոշոր երթ է եղել, որի մասնակցիները հարգել են 1993 թվականին Սեբաստիայում սպանված ալևի մտավորականների և արվեստագետների հիշատակը։

Շուրջ 10 հազար մարդ է մասնակցել Ստամբուլի Քադըքյոյ շրջանում անցած երթին։

Երթի ժամանակ միջադեպեր չեն գրանցվել, այն ուղեկցվել է ոստիկանական զգալի ուժերով։

Նշենք, որ հուլիսի 2-ին լրացել էր Սեբաստիայում գտնվող «Մադըմաք» հյուրանոցի դեպքերի 20-րդ տարին։ Թուրք իսլամիստական և ազգայնամոլական տարրերը շրջապատել էին հյուրանոցը, որտեղ միջոցառում էին իրականացնում ալևի դավանանքի ներկայացուցիչները, ապա հրդեհել այն։ Հրդեհի հետևանքով 33 ալևի էր զոհվել։  Մահացել էին նաև հյուրանոցի 2 աշխատակիցն ու հրդեհողներից 2-ը։

allTurkey.am