Թուրքական իշխանությունների կողմից ավերված Մալաթիայի հայկական գերեզմանատունը վերաբացվել է

Թուրքիայի Մալաթիայի քաղաքապետարանի կողմից 2012-ի փետրվարի 2-ին հայկական գերեզմանատանը կառուցման փուլում գտնվող պահակատան եւ վերջին հրաժեշտի համար նախատեսված շենքերի ավերումից հետո դրանք կրկին վերանորոգվել են, եւ հանդիսավոր պայմաններում տեղի է ունեցել բացումը։

Թուրքական Haberler-ի փոխանցմամբ՝ Մալաթիայի հայկական գերեզմանատան տարածքում վերակառուցված վերջին հրաժեշտի շենքի բացման արարողությանը մասնակցել են Ժողովրդահանրապետական կուսակցության պատգամավոր Վելի Աղբաբան, կուսակցության Մալաթիայի գրասենյակի նախագահ Նաջի Շավաթան, Շեյիլյուրթի քաղաքապետ Մեհմեթ Քավուքը, նահանգի մուֆթի Հաջը Յուսուֆ Գյուլը եւ մի շարք այլ պաշտոնյաներ եւ քաղաքացիներ։

Նշենք, որ 2012-ի փետրվարի 2-ին Մալաթիայի քաղաքապետարանի հանձնարարությամբ քանդվել էր Մալաթիայի հայերի գերեզմանոցում կառուցվող պահակատունն ու մատուռը։ Այս դեպքը բողոքի ալիք էր բարձրացրել Թուրքիայում եւ Թուրքիայից դուրս, որից հետո Մալաթիայի քաղաքապետը պնդել էր, թե շինությունները սխալմամբ են քանդել, եւ խոստացել պետության հաշվին վերականգնել վնասը։

http://news.am/arm/news/160530.html