Ռիզեի համալսարանի խորհուրդն այսօրվա նիստում որոշում է ընդունել համալսարանը կոչել Թուրքիայի վարչապետ Ռեջեփ Թայիբ Էրդողանի անունով: Այս մասին, ինչպես հաղորդում է «Արմենպրես»-ը, հայտնում է թուրքական «Ջիհան» լրատվական գործակալությունը` նշելով, որ համալսարանի անվանափոխության մասին որոշումն ընդունվել է միաձայն:
Թուրքական օրենսդրության համաձայն` համալսարանի ընդունած որոշումը պետք է հաստատի Թուրքիայի բարձրագույն կրթության հանձնաժողովը: Եթե հանձնաժողովը հավանության արժանացնի այդ որոշումը, այն պետք է ներկայացվի Թուրքիայի խորհրդարանի հաստատմանը:
Սեւ ծովի ափին գտնվող Ռիզեն Էրդողանի ծննդավայրն է: Ինչպես երեւում է, Թուրքիայում մեկնարկ է տրվել մի նոր Աթաթուրքի կերպարի ստեղծմանը:
29.11.2011
Armenpress.am
Leave a Reply