Պահչելի Էրտողանին կոչ կ՛ընէ՝ ետ քաշել Տերսիմի հարցով իր ներողութիւնը

Թուրքիոյ կառավարութեան ընդդիմադիր՝ Ազգայնական շարժում կուսակցութեան պետ Տեւլեթ Պահչելի, Երեքշաբթի, Նոյեմբեր 29ին, իր կուսակցութեան երեսփոխանական խմբակի ժողովին առջեւ ելոյթ ունենալով՝ կոչ ըրած է վարչապետ Ռեչեփ Թայիփ Էրտողանին, որ ետ քաշէ Տերսիմի կոտորածներուն կապակցութեամբ պետութեան անունով իր խնդրած ներողութիւնը՝ պնդելով, որ Տերսիմի մէջ տեղի ունեցածները ապստամբութիւն մը զսպելու նպատակով առնուած հարկաւոր քայլեր էին: Այս մասին կը յայտնէ «Ճիհան»ը։

Պահչելի նաեւ պնդած է, թէ Թուրքիոյ պատմութեան մէջ ամօթալի էջեր չկան եւ աւելցուցած, թէ Տերսիմի ապստամբութեան կազմակերպողները պէտք է համեմատել Քիւրտիստանի բանուորական կուսակցութեան անդամներուն հետ:

 30.11.11

Tert.am