Հայ պրոֆեսորի` Հայոց ցեղասպանությանը նվիրված ուսումնասիրությունը հրատարակվել է Կորեայում

Կորեայի Հանրապետությունում լույս է տեսել ՀՀ ԳԱԱ թղթակից անդամ, գիտության վաստակավոր գործիչ, պատմական գիտությունների դոկտոր, պրոֆեսոր Նիկոլայ Հովհաննիսյանի` Հայոց ցեղասպանությանը նվիրված մենագրությունը կորեերենով («Հայոց ցեղասպանություն», Կորեա, 2011, 196 էջ), 500 տպաքանակով:

Քաղաքական գիտության Հայաստանի ասոցիացիայից հայտնում են, որ աշխատությունը կորեերեն է թարգմանվել անգլերեն բնագրից: Աշխատությունը ժամանակին հրատարակվել է նաև գերմաներեն, ռուսերեն, ֆրանսերեն լեզուներով: Այն արդեն թարգմանվել է ռումիներեն և լույս կտեսնի գալիք տարվա սկզբներին:

Պրոֆեսոր Ն. Հովհաննիսյանը հեղինակ է Հայոց ցեղասպանության հիմնախնդիրներին նվիրված բազմաթիվ մենագրությունների և գիտական հոդվածների, այդ թվում և «Հայոց ցեղասպանություն. Հայասպանությունը – ամենացեղասպան ցեղասպանություն. Աշխարհի տասը լեզուներով» կոթողային աշխատությունը:

29.11.2011

Panorama.am