Եթե Գերմանիան պարտություն չկրեր Առաջին համաշխարահային պատերազմում, ապա հայերի տեղահանումից ու ցեղասպանությունից հետո ազատված տարածքներում վերաբնակեցվելու էին գերմանացի ներգաղթյալներ: Ծրագիրը մշակվել է 1913թ-ին թուրք զինվորականության և Կայզերական Գերմանիայի գլխավոր շտաբի բարձրաստիճան սպաների կողմից:
Կազըմ Կարաբեքիր փաշան Առաջին համաշխարհային պատերազմից առաջ Թուրքիայի արևելյան տարածքներում գերմանացիների վերաբնակեցման պլանների իրականացման նպատակով հիմնել և ղեկավարել է “ Անատոլիայի գերմանական կոմիտե”-ն: Կոմիտեի կազմում են եղել նաև գերմանացի Գոլց և սպայակույտի բարեփոխումների պատվիրակության ղեկավար Իմհոր փաշաները:
Ըստ հավաստի թուրքական աղբյուրների` ահա, թե ինչ է ասել Իմհոր փաշան Կարաբեքիր փաշային. «Անատոլիայի տարածքները կարող են տեղավորել 60-ից 70 մլն մարդ: Սակայն այստեղ միայն 15 մլն մարդ է ապրում: Թուրքերը տարածքների զարգացման և ճիշտ օգտագործման ձևը չիմացող ազգ են:Անատոլիան լիովին վերաբնակեցման կարիք ունեցող տարածք է»:
Սակայն թուրքական աղբյուրները Իմհոր փաշայի այս խոսքերից միտումնավոր կրճատում են ընդամենը երեք բառ: Իրականում Իմհոր փաշայի լրիվ խոսքը հնչում է հետևյալ կերպ. «Անատոլիայի տարածքները կարող են տեղավորել 60-ից 70 մլն մարդ: Սակայն այստեղ միայն 15 մլն մարդ է ապրում: Թուրքերը տարածքների զարգացման և ճիշտ օգտագործման ձևը չիմացող ազգ են:Անատոլիան լիովին վերաբնակեցման կարիք ունեցող տարածք է և, իհարկե, առանց հայերի»:
Սակայն գերմանական հրեշավոր պլանները իրականացան մասամբ: Հայերը բնաջնջվեցին, Գերմանիան պարտություն կրեց առաջին համաշխարհային պատերազմում, ոչ մի գերմանացի ընտանիք չվերաբնակեցվեց . փոխարենը քուրդ ազգաբնակչությունը բազմանալով տարածվեց ազատված տարածքներոմ; Այժմ , ինչպես և նկատել էր Իմհոր փաշան, Անատոլիայում ապրում է շուրջ 70 մլն մարդ և ոչ մի բացահայտ հայ:
Էդիկ Հովսեփյան
Armweeklynews.am 27.11.11
Leave a Reply