Այսօր լրագրողների հետ հանդիպման ժամանակ թուրքագետ Ռուբեն Մելքոնյանն անդրադարձավ վերջերս Թուրքիայի վարչապետ Ռեջեփ Թայիփ Էրդողանի Դերսիմի քրդական ջարդերի մասին արած հայտարարությանը:
«Էրդողանն իր այս հայտարարությամբ հաստատեց, որ թուրքական արխիվներում կան փակ փաստաթղթեր: Հարված հասցրեց իշխող կուսակցության համար լուրջ ախոյան հանդիսացող քեմալական կուսակցությանը և արտասահմանյան երկրների մոտ որոշակի տեղաշարժ կատարեց Թուրքիայի իմիջի վերաբերյալ»,- վերլուծելով իրադարձություններն՝ ասաց Մելքոնյանը:
Թուրքագետը խոսեց նաև այն մասին, թե ի՞նչ կարող է այս հայտարարությունը նշանակել հայերի համար. «Էրդողանը ուզի թե չուզի՝ ներողություն է խնդրել նաև հայերից: Որովհետև բացի քրդերից և զազաներից, այնտեղ ապրել են նաև 30.000 հայեր, որոնք բնակություն են հաստատել Դերսիմում ցեղասպանությունից հետո»:
«Կան բազմաթիվ փաստաթղթեր, տարբեր պաշտոնյաների զեկուցագրեր, որտեղ նշվում է, որ թուրքերի հիմնական թիրախը Դերսիմում եղել են հայերը»,-հավելեց պատմաբանը:
28.11.2011
HayNews.am
Leave a Reply