Թուրքիայում իսլամիստների անօրինականությունների վիճակագրությունը

Թուրքիայում իշխող իսլամիստ վարչակազմն այժմ էլ փորձում է քուրդ ժողովրդին զրկել մտավորականությունից: Դեռևս 1915թ-ի փորձից գիտեն, որ եթե ուզում ես ոչնչացնել ազգը, պետք է առաջին հերթին ոչնչացնես նրա մտավորականությանը:

Սակայն դրսում 21-րդ դարն է և ի տարբերություն 1915թ-ի առայժմ Թուրքիան բավարարվում է միայն մտավորականների ձերբակալմամբ: Էրդողանի կուսակցության իշխանության գալուց հետո Թուրքիայում ձերբակալվել և միայն ազգային պատկանելության համար բատարկվել են քուրդ առաջադեմ մտավորականությունը ներկայացնող 20-ից ավելի ուսուցիչներ, 40 արհմիութենական գործիչներ, 70 լրագրողներ, 500 ուսանողներ, 18 քաղաքապետեր, 8 խորհրդարանի պատգամավորներ, 100-ից ավելի փաստաբաններ, հարյուրավոր անչափահասներ: Եվ սրանք այն անձինք են, որոնց մեղադրում են միայն Աբդուլլահ Օջալանի հայացքները կիսելու համար:

Այս մտավորական հատվածը խղճի և քաղաքական բանտարկյալներ են համարվում: Եվ ահա Թուրքիա երկիրը , մոռանալով, որ ինքը վերածվել է մի մեծ բանտի ողջ քուրդ ժողովրդի համար, հանկարծ սկսել է ժողովրդավարություն խաղալ և անգամ Սիրիայի նախագահին է խորհուրդ տալիս, թե ինչպես պետք է վերաբերվել սեփական ժողովրդի հետ:

Armweeklynews.am 23.11.11