Պատմությունը դեռևս կբացահայտի, որ հայերը երկու անգամ են ցեղասպանության ենթարկվել` մեկ անգամ 1.5 մլն որպես քրիստոնյա ժողովուրդ, մեկ անգամ էլ`որպես կենդանի մնացյալ իսլամացած վերջին հազարավոր ընտանիքներ: 2010թ-ի նոյեմբերի 24-ին Բեռլինում կայացած Թուրքիայի Դերսիմի կոնֆերանսում որոշում էր կայացվել 1937-38 դեպքերը որպես ցեղասպանության փաստ ներկյացնել միջազգային դատարան:
Ինչպես տեղեկացրել է Եփրատ գործակալությանը փաստաբան Էրդալ Դողանը, բոլոր անհրաժեշտ փաստաթղթերը և ապացույցները պատրաստ են դատարան դիմելու համար: Փաստաբանը նաև տեղեկացրել է, որ անհրաժեշտության դեպքում իրենք դիմելու են նաև ՄԱԿ-ի անվտանգության խորհուրդին և Եվրախորհուրդին: Սակայն հարցն այն է, որ Դերսիմի դեպքերի ուսումնասիրության հարցը քննարկվում է նաև Թուրքիայի խորհրդարանում: Արմատներով դերսիմցի պատգամավորները պահանջում են խորհրդարանական հատուկ հանձնաժողով ստեղծել 1937-38թթ կատարված դեպքերն ուսումնասիրլու համար:
Սակայն խորհրդարանից դուրս ևս ձայներ են հնչում առ այն, որ եթե Դերսիմի դեպքերին համար հանձնաժողով պետք է ստեղծվի, ուրեմն առավել ևս 1915թ-ի հայերինկոտորածների ուսումնասիրության համար էլ պետք է հանձնաժողով ստեղծվի: Այս հարցը բարձրացվել է հայտնի լրագրող Մեհմետ Ալի Բիրանդի կողմից CNNturk.com կայքում:
Չի բացառվունմ, որ Դերսիմի դեպքերը դառնան այն դարպասը, որի միջով ստիպված պետք է անցնի ժամանակակից Թուրքիան , որպեսզի առերեսվի իր 1915-23թթ պատմության հետ:
http://www.armweeklynews.am/i3/Turkey/trnov/trnov2031.html?mid=5367
Leave a Reply