Մոնղոլական գեղագրությո՞ւնը, հայկական տոնակատարությո՞ւնը, թե՞ ֆրանսիական ձիավարությունը: UNESCO-ի ներկայացուցիչներն այս շաբաթ կհանդիպեն, որպեսզի որոշեն, թե 84 ավանդություններից որոնք ընդգրկեն պահպանվող «ոչ նյութական ժառանգության» ցանկում: Այդ մասին հաղորդում է կանադական British Columbia-ն` վկայակոչելով France-Presse-ը:
ՄԱԿ-ի մշակութային գործակալությունը դադարեցրել էր աշխատանքն այս ամիս, երբ ԱՄՆ-ը դադարեցրել էր ֆինանսավորումը, սակայն պատվիրակները կհավաքվեն Բալի կղզում նոյեմբերի 22-29-ին:
Այնտեղ նրանք կորոշեն, թե ազգային ավանդույթներից որն է արժանի` ընդգրկվելու միջազգային նշանակության ցանկում եւ պահպանվելու ապագա սերունդների համար: Տվյալ ցանկում արդեն կան 215 ավանդություններ:
Հայաստանն, օրինակ, ներկայացնելու է Վարդավառը` հեթանոսական Աստղիկ դիցուհուն նվիրված տոնակատարությունը, որը տոնվում է նաեւ քրիստոնեական ավանդությամբ: 84 ավանդություններից 23-ը գտնվում են «շտապ պաշտպանական միջոցների» ցանկում, որպեսզի փրկեն դրանք կործանումից:
21.11.2011
Leave a Reply