Վաքըֆների մասին թիվ 5737 օրենքի 11-րդ ժամանկավոր հոդվածի կիրառման վերաբերյալ կանոնադրություն՝ Վաքըֆների գլխավոր տնօրինությունից

 

 

 

Սույն կանոնադրությունը նպատակ է հետապնդում սահմանել 20/2/2008 թ. վաքըֆների մասին թիվ 5737 օրենքի՝ համայնքային վաքըֆների վերաբերյալ ժամանակավոր 11-րդ հոդվածում տեղ գտած դրույթների կիրառման մեթոդներն ու հիմքերը:

ԱՌԱՋԻՆ ԲԱԺԻՆ

Նպատակ, ոլորտ, հիմք, դիմելու ժամանակահատված

Նպատակ

Հոդված 1. (1) Սույն կանոնադրությունը նպատակ է հետապնդում սահմանել 20/2/2008-թվականով թվագրված՝ Վաքըֆների մասին թիվ 5737 օրենքի՝ համայնքային վաքըֆների վերաբերյալ ժամանակավոր 11-րդ հոդվածում տեղ գտած դրույթների կիրառման մեթոդներն ու հիմքերը:

Ոլորտ

Հոդված 2. (1) Սույն կանոնադրությունն իր մեջ ներառում է այն մեթոդներն ու հիմքերը, ըստ որոնց գանձարանը կամ էլ Գլխավոր տնօրինությունը պետք է վճարի համայնքային վաքըֆերի՝ 1936 թ. կանոնագրում գրանցված, բայց տերն անհայտ, պետականացումից, վաճառքից և փոխանակումից բացի այլ պատճառներով գանձարանի, Վաքըֆների գլխավոր տնօրինության, քաղաքապետարանի և նահանգային հատուկ վարչության անունով գրանցված անշարժ գույքի, հասարակական միությունների անունով գրանցված գերեզմանոցների ու աղբյուրների, գնման կայքագրի (թափու) գրանցման իրավունքի և պարտականության հետ մեկտեղ համայնքային վաքըֆերի կողմից գնված, համայնքային վաքըֆներին կտակված կամ էլ նվիրատվության դեպքում սեփականություն ձեռք բերել չկարողանալու հիմնավորմամբ գանձարանի կամ էլ Վաքըֆների գլխավոր տնօրինության անունով գնման կայքագրի մեջ երրորդ անձանց անունով գրանցված անշարժ գույքերի շուկայական գինը, որը հաստատվելու է Ֆինանսների նախարարության կողմից:

Հիմք

Հոդված 3. (1) Սույն կանոնադրությունը պատրաստվել է՝ հիմք ընդունելով վաքըֆների մասին օրենքի 11-րդ ժամանակավոր հոդվածը:

Դիմելու ժամանակահատված

Հոդված 4. (1) Վաքըֆների մասին օրենքի 11-րդ ժամանակավոր հոդվածի առաջին բաժնի համաձայն` դիմելու ժամանակահատվածը, սկսած 27/8/2011 թ., երկու ամիս է, իսկ դիմումների համար, որոնք ներկայացվել են համաձայն երկրորդ բաժնի, ժամանակահատված սահմանված չէ:

ԵՐԿՐՈՐԴ ԲԱԺԻՆ

Գրանցման ենթակա անշարժ գույք

Հոդված 5. (1) Համայնքային վաքըֆերի 1936 թ. կանոնագրում գրանցված լինելու պայմանով` գնման կայքագրում տերն անհայտ անշարժ գույք, պետականացումից, վաճառքից և փոխանակումից բացի՝ այլ պատճառներով գանձարանի, Վաքըֆների գլխավոր տնօրինության, քաղաքապետարանի և նահանգային հատուկ վարչության անունով գրանցված անշարժ գույք, հասարակական միությունների անունով գրանցված և դեռևս այս բնորոշումը պահպանած  գերեզմանոցներ ու աղբյուրներ:

Դիմելու ձևն ու անհրաժեշտ փաստաթղթերը

Հոդված 6. (1) Համայնքային վաքըֆները, որպեսզի իրենց անունով գրանցեն 5-րդ հոդվածով սահմանված անշարժ գույքը, լրացնելով հավելված 1-ի ձևաթուղթը (բլանկը)՝ ներքոհիշյալ փաստաթղթերի հետ միասին պետք է ներկայացնեն Վաքըֆների գլխավոր տնօրինության այն շրջանային տնօրինություն, որի կազմում է իրենց վաքըֆը:

1)      Վաքըֆի վարչական խորհրդի հիմնավորված որոշումը

2)      1936 թ. կանոնագիրը, որտեղ մատնանշվում է անշարժ գույքը

3)      Անշարժ գույքի գնման կայքագրի գրանցման արձանագրությունը կամ էլ ողջ գնման կայքագրի շրջանառության գրանցումները` ներառյալ կադաստրի ծանուցագիրը

Գնահատական

Հոդված 7. (1) Վաքըֆների շրջանային տնօրինությունը դիմումներն ուսումասիրելուց հետո ուղարկում է Վաքըֆների գլխավոր տնօրինություն: Վաքըֆների խորհրդի ուսումնասիրության արդյունքում կայացրած որոշումը համայնքային վաքըֆին հայտնում է Վաքըֆների շրջանային տնօրինությունը:

Գրանցում վաքըֆի անունով

Հոդված 8. (1) Վաքըֆների շրջանային տնօրինությունը Վաքըֆների խորհրդի` գրանցմանը համապատասխանելու վերաբերյալ որոշմամբ վաքըֆի իրավասուի անունով դիմում ներկայացրած համայնքային վաքըֆին տալիս է իրավասության վերաբերյալ փաստաթուղթ:

(2) Գնման կայքագրի ռեեստրի տնօրինությունը 60 օրվա ընթացքում բավարարելու է գրանցման վերաբերյալ համայնքային վաքըֆերի պահանջները:

ԵՐՐՈՐԴ ԲԱԺԻՆ

Անշարժ գույք, որի գինը վճարելու են

Հոդված 9. (1) Համայնքային վաքըֆերի կողմից գնված կամ էլ համայնքային վաքըֆին նվիրատվություն կատարելու դեպքում սեփականություն ձեռք բերել չկարողանալու հիմնավորմամբ գանձարանի կամ էլ Վաքըֆների գլխավոր տնօրինության անունով գնման կայքագրի մեջ գրանցված անշարժ գույքից վճարելու են միայն երրորդ անձանց անունով գրանցվածների գինը:

Դիմելու ձևը և անհրաժեշտ փաստաթղթերը

Հոդված 10. (1) Համայնքային վաքըֆները 5-րդ հոդվածով սահմանված անշարժ գույքի շուկայական գինը վճարելու համար, լրացնելով հավելված 1-ի ձևաթուղթը (բլանկը), ներքոհիշյալ փաստաթղթերի հետ միասին պետք է ներկայացնել Վաքըֆների գլխավոր տնօրինության այն շրջանային տնօրինություն, որի կազմում է իրենց վաքըֆը:

1. Վաքըֆի վարչական խորհրդի հիմնավորված որոշումը
2. Եթե անշարժ գույքը գնել են, վաճառքի վերաբերյալ փաստաթղթերը, եթե ժառանգել է, ապա կտակը կամ, եթե առկա է, կատարողական թերթը, իսկ եթե ձեռք է բերվել նվիրատվության արդյունքում, ապա նվիրատվությունը հաստատող փաստաթղթեր կամ էլ դատարանի որոշումը
3. Անշարժ գույքի գնման կայքագրի գրանցման արձանագրությունը կամ էլ ողջ գնման կայքագրի շրջանառության գրանցումները` ներառյալ կադաստրի ծանուցագիրը:

Գնահատական

Հոդված 11. (1) Դիմումները Վաքըֆների շրջանային տնօրինության կողմից ուսումասիրվելուց հետո ուղարկվում են Վաքըֆների գլխավոր տնօրինություն: Վաքըֆների խորհրդի ուսումնասիրության արդյունքում կայացրած որոշումը համայնքային վաքըֆին հայտնում է Վաքըֆների շրջանային տնօրինությունը:

Գնի փոխհատուցման համար դիմում

Հոդված 12. (1) Այն դեպքում, երբ Վաքըֆների խորհուրդը հաստատում է, որ անշարժ գույքը 9-րդ հոդվածի շրջանակում է, և որոշում է կայացնում անշարժ գույքի արժեքի փոխհատուցման անհրաժեշտության վերաբերյալ, Վաքըֆների շրջանային տնօրինությունը նահանգային գլխավոր ֆինանսական վարչությունից կամ գավառային ֆինանսական վարչությունից (այն նահանգի կամ գավառի, որտեղ գտնվում է անշարժ գույքը), այս որոշման հետ միասին, պահանջում է սահմանել անշարժ գույքը վճարելու հիմնական գինը:

Հանձնաժողով և գին

Հոդված 13. (1) Անշարժ գույքի շուկայական գինը, Վաքըֆների շրջանային տնօրինության պահանջի համաձայն, նահանգներում սահմանում է գլխավոր ֆինանսական վարչությունը, իսկ գավառներում՝ գավառային ֆինանսական վարչության կազմում և «Resmi Gazete» պաշտոնաթերթի 19/6/2007 թ. թիվ 26557 համարում լույս տեսած՝ գանձարանի` անշարժ գույքը հետ վերադարձնելու մասին դրույթի համաձայն ստեղծված, գինը սահմանող հանձնաժողովները:    

(2) Սահմանված գնի մասին Վաքըֆների շրջանային տնօրինությունը համայնքային վաքըֆին ծանուցում է 15 օրից ոչ ուշ:

(3) Սահմանված գինը, հիմնավորումների հետ միասին, ծանուցման օրից սկսած 15 օրվա ընթացքում կարող են ներկայացնել Վաքըֆների շրջանային տնօրինություն: Առարկությունները վաքըֆների շրջանային տնօրինության կողմից ամենաուշը 15 օրվա ընթացքում հայտնվում են նահանգների գլխավոր ֆինանսական վարչություն, որպեսզի դրանք քննության առնվեն կենտրոնական վերահսկողության պաշտոնյաների կողմից: Առարկությունները ամենաուշը 45 օրվա ընթացքում կցվում են զեկույցին` ուղարկվելով վաքըֆների շրջանային տնօրինությանը, որպեսզի արդյունքը ծանուցեն համայնքային վաքըֆին:

Գինը վճարելու կարգը

Հոդված 14. (1) Ծանուցված գնի վերաբերյալ համաձայնության գալու դեպքում կամ առարկություններով ընդունված սահմանված գինը վճարում են համայնքային վաքըֆին դիմում ներկայացնելու օրից սկսած ամենաուշը 30 օրվա ընթացքում,  եթե անշարժ գույքը վաճառվել է գանձարանի կողմից, ապա վճարում է համապատասխան դեֆթերդարությունը, իսկ եթե Վաքըֆների գլխավոր տնօրինության կողմից` համապատասխան Վաքըֆների շրջանային տնօրինությունը:

ՉՈՐՐՈԴ ԲԱԺԻՆ 

Տարատեսակ և վերջին դրույթներ

Գնման կայքագրի ռեեստրի տնօրինության կողմից գնման կայքագրի գրանցման օրինակների և մյուս փաստաթղթերի տրամադրումը

Հոդված 15. (1) Գնման կայքագրի ռեեստրի տնօրինութնունը այս կանոնադրության շրջանակում մնացած անշարժ գույքի վերաբերյալ գնման կայքագրի գրանցման օրինակները կամ մյուս փաստաթղթերը տալիս է դիմում ներկայացրած համայնքային վաքըֆի կամ էլ Վաըֆների շրջանային տնօրինության իրավասուին:

 Ուժի մեջ մտնելու մասին

Հոդված 16. (1) Այս կանոնադրությունն ուժի մեջ է մտնում հրապարակման օրից:

Կիրառում

Հոդված 17. (1) Այս կանոնադրության դրույթները կյանքի է կոչում փոխվարչապետը, որի անմիջական ղեկավարության տակ է Վաքըֆների գլխավոր տնօրինությունը:

Հավելված 1

Դիմումի ձև` համաձայն վաքըֆների մասին թիվ 5737 օրենքի ժամանակավոր 11-րդ հոդվածի

Դիմում ներկայացնող համայնքային վաքըֆ

Գնման կայքագրի և անշարժ գույքի երաբերյալ տեղեկություններ

Նահանգ

Գավառ

Թաղամաս

Պողոտա

Փողոց

Դռան համարը

Հատակագիծ

Կղզի

Հողակտոր

Տեսակը

Մակերեսը

Բաժնի չափը

Սեփականատերը

Գրանցումներում պարզաբանվել է, թե ոչ

Ֆիզիկական վիճակն ու ներկայիս օգտագործման ձևը

Պահանջի հիմնավորում

1. 1936 թ. կանոնագիրը
2. Գնում
3. Կտակ
4. Նվիրատվություն

Ով է տնօրինում

Դատական գործի մեջ ներառված է, թե ոչ, եթե ներառված է՝ դատական գործի մասին տեղեկություններ  

Թիվ 5737 օրենքի ժամանակավոր 7-րդ հոդվածի շրջանակում դիմում ներկայացվել է, թե ոչ

Վաքըֆի իրավասուի

Անունը, ազգանունը և ստորագրությունը

Թիվ 5737 օրենքի ժամանակավոր 11-րդ հոդված

Ժամանակավոր 11-րդ հոդված (Հավելված: 22/8/2011-KHK-651/17 հոդված)

Համայնքային վաքըֆների

ա) 1936 թ. կանոնագրում գրանցված անշարժ գույքերի, որոնց կալվածքները բաց են,

բ) 1936 թ. կանոնագրում գրանցված պետականացումից, վաճառքից և փոխանակումից բացի՝ այլ պատճառներով գանձարանի, Վաքըֆների գլխավոր տնօրինության, քաղաքապետարանի և նահանգային հատուկ վարչության անունով գրանցված անշարժ գույքերի,

գ) 1936 թ. կանոնագրում գրանցված հասարակական միությունների անունով գրանցված գերեզմանոցների ու աղբյուրների

գնման կայքագրի (թափու) գրանցման իրավունքի և պարտականության հետ մեկտեղ այս հոդվածն ուժի մեջ մտնելու պահից սկսած 12 ամսվա ընթացքում դիմելու դեպքում խորհրդարանի դրական որոշումը ստանալուց հետո գնման կայքագրի ռեեստրի տնօրինությունը համապատասխան գնման կայքագիրը կգրանցի համայնքային վաքըֆի անունով:

Համայնքային վաքըֆների կողմից գնված, համայնքային վաքըֆներին կտակված կամ էլ նվիրատվության դեպքում սեփականություն ձեռք բերել չկարողանալու հիմնավորմամբ Գանձարանի կամ էլ Վաքըֆների գլխավոր տնօրինության անունով գնման կայքագրի մեջ երրորդ անձանց անունով գրանցված անշարժ գույքերի` Ֆինանսների նախարարության կողմից հաստատված շուկայական գինը վճարելու է գանձարանը կամ էլ Գլխավոր տնօրինությունը:

Այս հոդվածի կիրառման վերաբերյալ մեթոդներն ու սկզբունքները կարգավորվում են կանոնադրությամբ:

«Ռեսմի գազեթե» պաշտոնաթերթ, թիվ 28071

Թարգմանությունը` Անահիտ Քարտաշյանի

http://akunq.net