Վան. երկրաշարժից հետո` այժմ էլ հրդեհ. կան զոհեր

Ներկայիս Թուրքիայի Վան նահանգում իրար հաջորդած երկրաշարժների և հետցնցումների հետևանքով փողոցում հայտնված բնակիչներին տանիքով ապահովելու համար ստեղծված վրանային ավաններից մեկում հրդեհ է բռնկվել:

Վան քաղաքից ոչ հեռու գտնվող վրանային ավանում հրդեհը բռնկվել է երեկոյան և արագ տարածվել: Մարդկանց մեծ մասին հաջողվել է թողնել այրվող վրանները: Սակայն 12-ամյա և 6-ամյա եղբայրներին չի հաջողվել փրկել: Կան նաև վիրավորներ:

Հիշեցնենք, որ հոկտեմբերի 23-ին երևանյան ժամանակով 15:42-ի սահմաններում ներկայիս Թուրքիայի տարածքում գտնվող Վան նահանգում գրանցվել է 7,2 բալանոց երկրաշարժ: Երկրաշարժի հետևանքով մեծապես տուժել է Արճեշը (թուրքերեն` Էրջիշ): Զոհերի թիվն անցնում է 600 մարդը: Ցնցումները զգացվել են նաև Հայաստանի տարածքում: Մեր երկրում ցնցումների ուժգնությունը կազմել են 3-5 բալ:

Իսկ նոյեմբերի 9-ին նույն տարածքում ի հայտ էր եկել նոր` 5,6 բալանոց երկրաշարժ, որի հետևանքով ևս 40 մարդ էր զոհվել:

18.11.2011

HayNews.am