Թուրքիայում այս օրերին կազմակերպվում է Մոսկվայի և Կարսի պայմանագրերին նվիրված միջազգային գիտաժողով: Այդ մասին Արդահանից հաղորդում է «Անադոլու» լրատվական գործակալությունը: Ըստ աղբյուրի` Արդահանի նահանգապետարանի, Արդահան համալսարանի, Արդահանի քաղաքապետարանի և Աթաթուրքի անվան ուսումնասիրությունների կենտրոնի նախաձեռնությամբ Արդահանի ժողովրդական կրթության կենտրոնի սրահում արդեն մեկնարկել է «Մոսկվայի և Կարսի պայմանագրերը» միջազգային գիտաժողովը, որը նվիրված է Արդահանի` Թուրքիային կցվելու 90 ամյակին:
Աղբյուրը որևէ տեղեկություն չի հաղորդում այս միջազգային գիտաժաղովին այլազգի գիտնականների մասնակցության մասին: Գիտաժողովը կտևի երեք օր:
Հիշեցնենք, որ 1921թ. կնքված Մոսկվայի ու Կարսի պայմանագրերով գծվեց ներկայիս հայ-թուրքական սահմանը, և Նախիջևանը հանձնվեց Ադրբեջանին. Հայաստանի տարածքը գրեթե կիսով չափ կրճատվեց: Այս պայմանագրերը կնքվեցին մի իրավիճակում, երբ Անդրկովկասում բոլշևիկաքեմալական համագործակցության արդյունքում կործանվեց Հայաստանի Հանրապետությունը. և նրա տարածքը բաժանվեց ՌՍՖՍՀ-ի ու Թուրքիայի միջև:
18.11.2011
Akunq.net
Leave a Reply