Աղթամարի Սուրբ Խաչ եկեղեցին թեթևակի տուժել է երկրաշարժից

Վանում հոկտեմբերի 23-ին և նոյեմբերի 9-ին տեղի ունեցած երկրաշարժերից տուժել է նաև Աղթամարի Սուրբ Խաչ եկեղեցին:

Այդ մասին հաղորդում է “Դողան” լրատվական գործակալությունը: Աղբյուրի փոխանցմամբ` երկրաշարժերի հետևանքով եկեղեցու գմբեթin թեթև ճաք է առաջացել: Աղթամար եկեղեցու համար պատասխանատու ինժեներ-շինարար Ադնան Վուրալը հայտնել է, թե եկեղեցում կատարված նախնական զննումների շնորհիվ պարզվել է, որ գմբեթին թեթև ճաքեր են առաջացել, որոնք հնարավոր է շտկել վերանորոգման միջոցով, իսկ եկեղեցու ներքին և արտաքին հատվածները ոչ մի վնաս չեն կրել: Ադնան Վուրալը նաև նշել է, որ թեև եկեղեցին անցյալում էլ է բնական աղետների ենթարկվել, սակայն մինչ օրս եկեղեցու հիմնական կառույցը չի տուժել: Ինժեներ-շինարարը նաև հայտնել է, որ Աղթամարի Սուրբ Խաչի` անցյալում տեղի ունեցած երկրաշարժերից կրած վնասները շտկվել էին վերանորոգման ընթացքում: Վուրալը նաև շեշտել է. “Նախնական ուսումնասիրությունները ցույց են տվել, որ վերջին երկու երկրաշարժերի ժամանակ էլ եկեղեցին լուրջ վնասներ չի կրել: Եկեղեցին չի գտնվում փլվելու վտանգի առջև: Միայն գմբեթին մանր ճաքեր են առաջացել, որոնք հնարավոր է շտկել շատ թեթև վերանորոգման միջոցով”:

Աղբյուրը նաև հաղորդում է, որ չնայած ձմեռային պայմաններին և երկրաշարժերին` եկեղեցին դեռ շարունակում է այցելուներ ունենալ:

17.11.2011

Akunq.net