Թուրքիան աշխարհին է դիմում, Վանի նահանգապետը` Թուրքիային

Վանի նահանգապետ Մյունիր Կարալօղլուն շտապ օգնություն է խնդրել Թուրքիայի կառավարությունից, քանի որ Վանում վիճակն արդեն օրհասական է: Նահանգապետը խոստովանել է, որ երկրորդ երկրաշարժի պատճառած վնասները սխալ են գնահատվել և այժմ պարզվում է,որ նոյեմբերի 9-ի երկրաշարժն ավելի մեծ վնասներ է հասցրել քաղաքին, քան մինչ այդ կարծում էին:

Այժմ Վանում բացի երկու հասարակական շենքերից, ոչ մի բազմաբնակարան շենք չի մնացել, որը երկրորդ կամ երրորդ կարգի վնասվածություն չունենա: Նահանգապետը նշել է, որ սեպտեմբերի 23-ի 7.2 բալանոց երկրաշարժից հետո ողջ Թուրքիան օգնության ձեռք մեկնեց Վանի բնակիչներին, իսկ նոյեմբերի 9-ի 5.6 բալ երկրաշարժից հետո նվազել է օգնության հոսքը: Երի երկրաշարժի ուժգնության թույլտվությունն է շփոթեցրել հասարակությանը, մինչդեռ երկրորդ երկրաշարժի հացրած վնասն ավելի մեծ է, հայտարարել է նահանգապետը Դողան գործակալությանը: Իրականում ինչ է կատարվում Վանում: Մարդիկ մասսայաբար հեռանում են:

Բնակարաններում ապրել հնարավոր չէ, քանի որ ամեն պահի դրանք կարող են փլվել, վրաններում կյանքն էլ անտանելի է , քանի որ խստաշունչ ձմեռ հիշեցնող եղանակ է և մարդկանց կենսապահովման համար ոչինչ չի արվում: Քաղաքում չի աշխատում ոչ մի ռեստորան և ճաշարան, չկա սննդի պատրաստման ոչ մի օբյեկտ: Բացակայում է դրամաշրջանառությունը սննդի ոլորոտւմ,քանի որ ոչինչ չի վաճառվում , ոչինչ չի գնվում:

Վանի բնակչության սննդապահովումն այնքան վատ է, որ անգամ նահանգապետն է պաշտոնապես օգնություն խնդրել կառավարությունից: Եթե իրավիճակն այսպես շարունակվի, ապա Վան քաղաքը կմնա միայն քարտեզի վրա:

Armweeklynews.am