Տիգրանակերտ / Սիլվանի եկեղեցիները

Հասունիի ժայռե եկեղեցին

Հայտնի չէ, թե Հասունիի քարանձավների ներսում գտնվող եկեղեցին երբ է կառուցվել:

Ենթադրվում է, որ եկեղեցին գործել է քրիստոնեության հաստատման առաջին ժամանակաշրջանից մինչև 13-րդ դարը:

Բազմաթիվ սենյակներից կազմված եկեղեցու կողքին փոքրիկ ամֆիթատրոն և ջրի պահեստներ են գտնվել:

Դեր Մարիամ

Ազիզօղուլների առանձնատանը մոտ` Շադոր պողոտայի վրա գտնվող Դեր Մարիամ եկեղեցին ավերված է:

Եկեղեցու` 1905 թ. վերանորոգման կամ կառուցման մասին վկայող արձանագրությունը դարձել է մի տան հիմնաքար, իսկ սյան հիմքը շրջելով հակառակ կողմի վրա` օգտագործում են որպես սանդուղքի հարթակ:

Եկեղեցու մյուս հատվածներն օգտագործել են շրջակայքի տների պատերի կառուցման ժամանակ: Իսկ հսկայական սյունը գտնվում է եկեղեցու այգում:

Հասունի քաղաքի եկեղեցին

Անհայտ տարեթվով եկեղեցին գտնվում է անտիկ Հասունի քաղաքում: Ենթադրվում է, որ բարձր բլրի վրա կառուցված պատմական եկեղեցին կառուցվել է 13-րդ դարում:

Թեև պահպանության տակ է առնված, սակայն ոչ վաղ անցյալում գանձագողերի կողմից բավականաչափ ավերված կառույցի պատերն, ամբողջական տանիքը փլուզվել է:

Հասունի եկեղեցին կառուցվել է Սիլվանի շրջակայքին բնորոշ գունավոր սրբատաշ քարերից, գտնվում է Սիլվան-Մալաբադի-Բիթլիս մայրուղու վրա` Սիլվանից 6 կմ հեռավորության վրա:

Սուրբ Ստեփանոս եկեղեցին

Սուրբ Ստեփանոս եկեղեցին, որը պատկանում է Սիլվանի հայկական համայնքին, կառուցվել է 1892 թ.:

Քրիստոնյաների կողմից քաղաքը լքելուց հետո եկեղեցին մնացել է անտեր և որպես եկեղեցի այլևս չի օգտագործվել: Հայտնի է որպես քելդանիական եկեղեցի:

Մինչև վերջերս եկեղեցին օգտագործվում էր որպես կինոթատրոն, սակայն 1992 թ. քաղաքապետարանը վերածեց մզկիթի, և ստացավ Քաղաքապետարանի մզկիթ անվանումը:

Գըրե Հանըք

Գտնվում է Ալբաթ լեռանը կռթնած Սիլվանից 3 կմ հեռավորության վրա` ժողովրդի մեջ որպես Նավդեշտ հայտնի հովտի անմիջապես սկզբնամասում: Ենթադրվում է, որ Բոյունլու գյուղի ճանապարհի ձախ հատվածում` Գըրե Հանըք բլրի վրա: Գանձագողերի պեղումների արդյունքում վերջերս հայտնաբերված բլուրը հազարավոր տարիների պատմություն ունի և օգտագործվել է որպես վանք: Կառույցի ներսում 6 կամար կա: Մեծ է հավանականությունը, որ եղել է խան կամ իջևանատուն: Բավարար ուսումնասիրություններ չեն կատարվել այն ուղղությամբ, թե ինչ նպատակով և երբ է կառուցվել կառույցը:

http://team-aow.discuforum.info/t8538-Dikranagerd-Silvan-Kiliseleri.htm