Հայերիս ցեղասպանությունն աքսորեց Վանից , քրդերին երկրաշարժն է աքսորում

Էրջիսից 30 հազար ընտանիք է հեռացել, իսկ Վանից հեռացածներին առայժմ հնարավոր չէ հաշվել: Վերջին շրջանում Վանում և Էրջիսում տեղի ունեցած հուժկու երկրաշարժերը լիովին խաթարել են ազգաբնակչության կյանքը: Երկրաշարժի վախի մթնոլորտը ստիպում է Վանի և Էրջիսի բնակիչներին արտագաղթել և լքել բնակության վայրերը : Երեկ Վանում տեղի ունեցած 5.6 բալ ուժգնությամբ երկրաշարժից հետո բնակիչները մասսայաբար լքում են բնակավայրերը, սակայն առայժմ թուրքական մամուլը չի կարողանում մոտավոր տվյալներ հաղորդել, թե քանի մարդ է արտագաղթել դեպի հարավ –արևմուտք:

Թուրքական սոցիալական ցանցերում շրջանառվում է 150-ից 200 հազար մարդ քանակը: Սակայն առայժմ դրանք հիմնավոր թվեր չեն, քանի որ այսօր իսկ շարունակվում է մասսայական արտագաղթը: Արդեն կան հաստատված տվյալներ, թե քանի ընտանիք է լքել Էրջիսի շրջանը երկրաշարժից հետո: Դողան գործակալությանը տված հարցազրույցում Դենիզլիի Վանի էրջիսլիցիների մշակութային և բարեգործական հիմնադրամի նախագահ Թաներ Իզգին հայտնել է, որ իրենց հիմնադրամի տվյալներով Էևջիսից Դենիզլի, Իզմիր և Այդըն քաղաքներ են տեղափոխվել շուրջ 30 հազար ընտանիքներ և նրանց ժամանումը շարունակվում է:

Հիշեցնենք, որ եթե Էրջիսցիներն արտագաղթում են դեպի արևմուտք, ապա Վան քաղաքի կենտրոնի բնակինչներն արտագաղթում են հարավ-արևմուտք` Ուրֆա, Մարդին , Գազիանթեպ:

Armweeklynews.am  10.11.11