Երեւանում է զազա երգիչ Միքայել Ասլանը

Զազա հայտնի երգիչ, դերսիմցի բանահավաք Միքայել Ասլանն այժմ գտնվում է Հայաստանում: Երգիչն անցյալ տարի “Ակունք” ազգագրական համույթի հետ համատեղ հայկական եւ զազայական երգերն ամփոփող ձայնասկավառակ է թողարկել` “Փեթակ” անվամբ:

Սկավառակում ընդգրկված է ժողովրդական ու ազգագրական 12 երգ: Իսկ նոյեմբերի 14-ին Արամ Խաչատրյան համերգասրահում կայանալու է “Միքայել Ասլան” անսամբլի համերգը:

“Ուրախ եմ, որ գտնվում եմ Հայաստանում: Վաղուց եմ ուսումնասիրում հայկական երգերը, եւ համերգի ժամանակ բոլորը կարող են լսել թե՛ հայկական, թե՛ զազայական երգեր: Պետք է փորձենք երկու մշակույթները համատեղ ներկայացնել”,- ասել է Միքայել Ասլանը։ 

“Զազա եւ հայ ժողովրդի միջեւ համագործակցությունն ունի հին արմատներ: Այն ժողովրդական երգերը, որոնք Միքայել Ասլանի “Փեթակում” են ընգրկված` հիմնականում ժողովրդական երգեր են: Դրանք իրենց ոճով որոշ չափով տարբերվում են այն ժողովրդական երգերից, որոնց սովոր է մեր ականջը”,- նշել է երաժշտագետ Լիլիթ Սիմոնյանը։ 

http://www.yerkirmedia.am/?act=news&lan=hy&id=3612