Ստեփանավանի գաթա

Պատրաստման եղանակը

Թթխմորը, խմորը, միջուկը պատրաստել ինչպես տրված է ՙԱրցախի գաթա՚-ում: Խմորը դնել սեղանին, բաժանել մասերի և գնդի ձև տալ, յուրաքանչյուր մասը գրտնակել 1.5-2 մմ հաստությամբ: Շերտերի վրա յուղ քսել և միջուկը դնել, եզրերը չորս կողմից միացնել` կլոր ձև տալով, և շրջել մյուս կողմի վրա: Այնուհետև մի քիչ տափակեցնել, որպեսզի շերտը միահավասար լինի: Ծայրերը սեղմել, վրան ձվի դեղնուց քսել և մի քանի տեղ պատառաքաղով ծակել: Գաթան դնել յուղ քսած տապակի վրա և 30-35 րոպե թխել ջեռոցում:

Պարունակություն

Թթխմորի համար վերցնել 350 գ. ալյուր, 20 գ. խմորիչ, 200 գ. ջուր: Խմորի համար վերցնել 1000 գ. ալյուր, 600 գ. շաքար, 500 գ. կաթ, 200 գ. կարագ, 2 գ. աղ: Միջուկի համար վերցնել 700 գ. ալյուր, 350 գ. կարագ, 100 գ. շաքարի փոշի, 0.2 գ. կիտրոնի յուղ կամ վանիլ: Վրան քսելու համար` 3 ձվի դաղնուց: