Երևանի գաթա

 

Պատրաստել խմոր (առանց խմորիչի), ծածկել սրբիչով և 30-35 րոպե դնել տաք տեղ: Միջուկը պատրաստել ինչպես տրված է ՙՎանաձորի գաթա՚-ում: Պատրաստի խմորը դնել ալյուր ցանած սեղանին, բաժանել մասերի (500 կամ 1000 գ.), գնդի ձև տալ, յուրաքանչյուր մաս առանձին գրտնակել 1.5-2 մմ հաստությամբ, վրան յուղ քսել, հետո շերտը դնել ջրի մեջ և նորից գրտնակել, վրան յուղ քսել: Այս գործողությունը կրկնել 4-5 անգամ: Շերտավոր խմորիչով պատրաստված խմորը փաթաթել ռուլետի նման և կտրել 200 գ. կտորներով: Խմորի կտորները կլոր գրտնակել: Կենտրոնում դնել միջուկը (170 գ.), եզրերը միացնել և կլոր ձև տալ: Հաստությունը պետք է լինի 1.5-2 մմ: Գաթան, միացման մասը դեպի ներքև, դնել յուղ քսած տապակի կամ ժարովնու մեջ, վրան ձվի դեղնուց քսել և պատառաքաղով մի քանի տեղ ծակել: Թխել լավ տաքացված ջեռոցի մեջ` 30-35 րոպե:

 

 

Խմորի համար վերցնել 1200 գ. ալյուր, 200 գ. հալած յուղ, 15 գ. խմորիչ, 5 գ. աղ, 400 գ. ջուր: Միջուկի համար վերցնել 800 գ. ալյուր, 400 գ. շաքարի փոշի, 400 գ. հալած յուղ: Շերտերի համար` 200 գ. հալած յուղ: Վրան քսելու համար` 4 ձվի դաղնուց: