Վանաձորի գաթա

Պատրաստման եղանակը

Խմորը հունցել թթխմորով, սրբիչով ծածկել և 30-35 րոպե դնել տաք տեղ: Միջուկ պատրաստելու համար ալյուրը տրորել հալած յուղի հետ, ավելացնել շաքարի փոշի, վանիլ և տրորել` մինչև դառնա փխրուն զանգված: Պատրաստի խմորը դնել սեղանին, նորից հունցել, բաժանել մասերի, դրանց կլոր ձև տալ և գրտնակել 5 մմ հաստությամբ շերտով: Յուրաքանչյուր շերտի վրա յուղ քսել և վրան հավասարապես դնել միջուկը` 2-3 մմ հաստությամբ, ռուլետի նման փաթաթել: Ռուլետը կտրել մոտավորապես 400 գ. կտորներով, երկու կողմից կպցնել և կլոր շերտով գրտնակել (14-16 մմ հաստությամբ): Շերտի եզրերը թեթևակի բարձրացնել և այնպես կպցնել, որ бортик դառնա: Պատրաստի շերտը դնել յուղ քսած տապակի կամ թավայի մեջ, վրան ձվի դեղնուց քսել, մի քանի տեղ պատառաքաղով ծակել և դնել շատ տաք ջեռոցի մեջ (170-190°): Թխել 30-35 րոպե:

Պարունակություն

Թթխմորի համար վերցնել 350 գ. ալյուր, 20 գ. խմորիչ, 200 գ. ջուր: Խմորի համար վերցնել 1000 գ. ալյուր, 600 գ. շաքար, 500 գ. կաթ, 200 գ. հալած յուղ, 2 գ. աղ: Միջուկի համար վերցնել 750 գ. ալյուր, 350 գ. հալած յուղ, 100 գ. շաքարի փոշի, 0.2 գ. կիտրոնի յուղ կամ վանիլ: Վրան քսելու համար` 2-3 ձվի դաղնուց: