Թուրքիայի Այնթափ քաղաքի պղնձե իրերի թանգարանի կազմում բացվել է հայ վարպետների կողմից ստեղծված պղնձե իրերի թանգարան։
Ինչպես տեղեկացնում է պոլսահայերի «Հայթերթ»-ը, թանգարանի տնօրեն Ալի Աթալարը նշել է, թե իր թանգարանում ներկայացված է Թուրքիայի տարբեր շրջաններից հավաքված պղնձե իրեր։ «Օսմանյան շրջանում ձեռքի աշխատանքների մեծ մասի հեղինակները մեր հայ քաղաքացիներն էին։ Դրա համար իմ թանգարանի նմուշների մեծ մասը հայ վարպետների ձեռքի աշխատանքներն են։ Ես կուզենամ, որ իմ թանգարանում ներկայացված հայ վարպետների աշխատանքները տեսնեն մեր հայ քաղաքացիները։ Թուրքիայում հայ վարպետների ստեղծած աշխատանքների միակ թանգարանն այստեղ է»,-նշել է թանգարանի տնօրենը՝ շեշտելով, որ սիրով սպասում է Այնթափ այցելող բոլոր հայերին։
09.11.2011
Leave a Reply