Թուրքիայում ձերբակալված հրատարակիչ Ռագըփ Զարաքօլուն ներկայում գտնվում է խիստ ռեժիմի «Մետրիս» բանտում, իսկ նրա որդին` Դենիզ Զարաքօլուն, ով «Belge» հրատարկչության խմբագիրն է` «Էդիրնե» բանտում, գրում է «Asbarez»-ը` վկայակոչելով «Info-Turk.be»-ին:
Բանտից իր փաստաբանի միջոցով ուղարկած առաջին նամակում Ռագիփ Զարաքօլուն գրել է. «Իմ ձերբակալությունը եւ անօրինական կազմակերպության անդամակցության մեջ մեղադրելը մասն են մի արշավի, որի նպատակը Թուրքիայի մտավորականությանն ու դեմոկրատներին ահաբեկելն է, եւ, մասնավորապես, քրդերին աջակցությունից զրկելը»:
Զարաքօլուն ասել է, որ իր տան խուզարկության ժամանակ ոստիկանությունը մի քանի գիրք է առգրավել «որպես հանցագործության ապացույց» եւ ոչ մի բան չի գտել նրա` որեւէ կազմակերպության անդամակցելու վերաբերյալ:
Առգրավվել են «Info-Türk» -ի գլխավոր խմբագիր Դողան Ազգյուդենի «Vatansiz Gazeteci» -ի («Անհայրենիք լրագրող») երկրորդ հատորը, Էնդեր Օնդեսի «Հաբիբան», ինչպես նաեւ Հայոց ցեղասպանության եւ հայ ժողովրդի պատմության մասին երեք գրքերի ձեռագրեր:
05.11.2011
Leave a Reply