Պատանի հայ շախմատիստներն այցելել են Պոլսո հայոց պատրիարքարան

Թուրքիայում ավարտված համաշխարհային օլիմպիադայի փոխչեմպիոնի տիտղոսը վաստակած հայ պատանի շախմատիստներն իրենց մարզիչ Արսեն Եղիազարյանի գլխավորությամբ Ստամբուլում այցելել են Պոլսո Հայոց պատրիարքարան։

Ինչպես հաղորդում է NEWS.am-ը Պոլսո հայոց պատրիարքարանից, հայ պատանի շախմատիստներին դիմավորել է Պոլսո Հայոց պատրիարքարանի հոգեւոր խորհրդի առաջնորդ, ծայրագույն վարդապետ Թաթուլ Անուշյանը։

Հայր սուրբը շնորհավորել է հայ շախմատիստներին ձեռք բերած հաջողությունների համար եւ տեղեկություններ հաղորդել պոլսահայ համայնքի մասին։

Այնուհետ հայաստանցի հյուրերը շրջել են պատրիարքարանի մեջ եւ հրաժեշտ տալով՝ հեռացել։

4.11.2011

News.am