Ֆրանսիայում ասորիների ցեղասպանության մի նոր հուշարձան է կանգնեցվել

Ֆրանսիայում, որտեղ բնակվում են 20 հազարի չափ ասորիներ և քաղդեացիներ, կանգնեցվել է Սեյֆոյի (ասորիների և քաղդեացիների) ցեղասպանության զոհերի հիշատակին նվիրված մի նոր հուշարձան: Այդ մասին հաղորդում է Ասորիների ցեղասպանության ուսումնասիրությունների կայքէջը (http://www.seyfocenter.com): Սարսելից (փոքր քաղաք Ֆրանսիայում, որը գտնվում է Իլ դը Ֆրանս շրջանում) հետո, որտեղ 2006 թ. պաշտոնապես կանգնեցվել է ասորիների ցեղասպանության զոհերի հիշատակին նվիրված առաջին հուշարձանը, և որը հայտնի է նաև որպես ասորիների և քաղդեացիների «մայրաքաղաք», Սենտ Բրայսի քաղաքապետարանը ևս որոշեց հուշարձան կանգնեցնել` 1915 թ. Օսմանյան կայսրությունում կատարված ցեղասպանությանը զոհ գնացած ասորիների և քաղդեացիների հիշատակին:

Աղբյուրի համաձայն` Սենտ Բրայսի քաղաքապետ Ալեն Լորանդի և Ֆրանսիայում գործող Ասորիների և քաղդեացիների միության միջև կայացած բանակցությունների արդյունքում Սենտ Բրայսի քաղաքապետարանի շենքի այգում տեղի է ունեցել հուշարձանի հանդիսավոր բացումը:

01.11.2011

Akunq.net