Օրդուում վերականգնվում են հայկական պատմական տները

Վերականգնվում են Թուրքիայի Հանրապետության Սևծովյան շրջանում գտնվող Օրդու նահանգի` 19-րդ դարին պատկանող հայկական ու հունական պատմական տները: Այդ մասին հաղորդում է http://www.haber3.com լրատվական կայքը:

Աղբյուրի համաձայն` պատմական կառույցների վերականգնողական աշխատանքները մեկնարկել են Թուրքիայի մշակույթի և զբոսաշրջության նախարարության կողմից և կատարվում են Օրդու քաղաքի Թաշբաշը թաղամասում գտնվող Մենեքշե փողոցում ու Սըթքը Ջան պողոտայում:

Ավելի վաղ Akunq.net-ն իր ընթերցողներին հայտնել էր, որ թուրքական պետական «Անադոլու» լրատվական գործակալության թղթակցին հարցազրույց տված Օրդու նահանգի Մշակույթի և զբոսաշրջության հարցերով տնօրեն Էրքան Գյուլդերենը նշել էր, թե իրենք առանձնացրել են Թաշբաշը թաղամասում գտնվող պատմական տները և աշխատանքներ սկսել այդ տների վերականգնման ուղղությամբ:

Գյուլդերենը շեշտելով, որ առաջին փուլում աշխատանքներ են կատարվելու առանձնացված նման 23 տներ վերանորոգելու ուղղությամբ, ասել էր. «Օրդուում օսմանյան, հունական ու հայկական ճարտարապետությունների դրոշմը կրող պատմական տներից 23-ը բնօրինակին համապատասխան վերականգնվելու են` առաջին փուլի աշխատանքների շրջանակներում: Մեր առանձնացրած պատմական շենքերը 150-200 տարվա պատմություն ունեցող կառույցներ են»:

Գյուլդերենը նաև արձանագրել էր, որ գրանցված պատմական շինություններից բացի որոշ նոր շենքերի արտաքին տեսքը նույնպես փոփոխության է ենթարկվելու և այդ կերպ նմանեցվելու և համապատասխանեցվելու է պատմական կառույցներին:

01.11.2011

Akunq.net

Leave a Reply

Your email address will not be published. Required fields are marked *

Վերջին Յաւելումներ

Հետեւեցէ՛ք մեզի

Օրացոյց

November 2011
M T W T F S S
 123456
78910111213
14151617181920
21222324252627
282930  

Արխիւ