Զարաքօլուն կալանավորվեց

Ստամբուլի դատարանի կայացրած որոշմամբ կալանավորվել է օրեր առաջ ձերբակալված հայտնի հրատարակիչ Ռագըփ Զարաքօլուն և պրոֆեսոր Բուրշա Էրսանլըն։

Ինչպես տեղեկացնում են թուրքական լրատվամիջոցները, դատարանի որոշման համաձայն կալանավորվել են նաև նույն գործի շրջանակում ձերբակալված ևս 21 անձինք։

Հիշեցնեք, որ «Բելգե» հրատարակչատան տնօրեն Ռագըփ Զարաքօլուն ձերբակալվել էր օրեր առաջ Քրդստանի բանվորական կուսակցության (PKK) քաղաքային թևը հանդիսացող «Քրդստանի համայնքների միության» (KCK) դեմ իրականացված գործողության ժամանակ: Զարաքօլուի հետ միասին ձերբակալվել էին 50 այլ անձինք։

Նույն գործի շրջանակում հոկտեմբերի 7-ին Ստամբուլում 90-ից ավելի քուրդ ակտիվիստների հետ ձերբակալվել էր նաև Զարաքօլուի որդին` Դենիզ Զարաքոլուն:

Զարաքօլուն Թուրքիայում Հայոց ցեղասպանության փաստի մերժողականության դեմ պայքար մղող ամենահայտնի մտավորականներից է։ Իր այդ գործունեության համար Զարաքօլուն թուրքական իշխանությունների կողմից պարբերաբար հետապնդվել է ՔՕ 301-րդ հոդվածի հատկանիշներով։ Ֆրանց Վերֆելի «Մուսա լեռան 40 օրը» պատմավեպը թարգմանելու և Ստամբուլում իրեն պատկանող «Բելգե» տպարանում հրատարակելու համար 2007թ. «թուրքական ինքնությունը վիրավորելու» համար դատապարտվել է 6 ամսվա ազատազրկման։ Զարաքօլուն 301 հոդվածի հատկանիշներով է դատապարտվել նաև Ջորջ Ջերջյանի ՝ Հայոց ցեղասպանությանը նվիրված «Ճշմարտությունը մեզ կազատագրի» գիրքը թուրքերեն տպագրելու համար:

Ամիսներ առաջ Ռագըփ Զարաքօլուն Երևանում ստացել է «Հակոբ Մեղապարտ» մեդալ:

01.11.11

Tert.am

Leave a Reply

Your email address will not be published. Required fields are marked *

Վերջին Յաւելումներ

Հետեւեցէ՛ք մեզի

Օրացոյց

November 2011
M T W T F S S
 123456
78910111213
14151617181920
21222324252627
282930  

Արխիւ