Ատելություն պարունակող արտահայտության գլխավոր թիրախը հայերն ու քրդերն են

«Հրանտ Դինք» միջազգային հիմնադրամի կողմից հրապարակվել է չորս ամիսը մեկ լույս տեսնող, թվով 7–րդ «Մամուլում ատելություն պարունակող արտահայտություններին հետևելու» վերաբերյալ զեկույցը:

Այդ մասին հաղորդում է թուրքական «Ռադիկալ» օրաթերթը:

2011 թ. մայիսից օգոստոս ընկած ժամանակահատվածում հրատարակված օրաթերթերն ուսումնասիրած զեկույցում անդրադարձ է կատարվել էթնիկ և կրոնական խմբերին թիրախ ընտրած 41 հոդվածների և լուրերի բովանդակությանը: Զեկույցում ուշադրություն է հրավիրվում այն հանգամանքի վրա, որ ատելություն պարունակող լուրերի և փոքր հոդվածների մեծ մասը, որպես էթնիկ ինքնություն, թիրախ է ընտրում հայերին և քրդերին:

«Բիրգյուն» թերթում լույս տեսած Ահմեդ Մերիչ Շենյուզի լուրի համաձայն ` ատելություն պարունակող արտահայտությունների լեզուն ամենաշատը գործածած թերթերն նրանք են, որոնք ազգայնական-կոնսերվատիվ ձեռագիր ունեն: Թերթերում առաջ են քաշում պնդումներ այն մասին, թե «Քրդական բանվորական կուսակցությունը հայկական արմատներ ունի», և այնպիսի մեկնաբանություններ, թե «ներկայում քրդերը հանցագործ համայնք են»: Հայերին թիրախ ընտրած բովանդակությունները գրվել են օրակարգից ազատ տարբեր թեմաների շուրջ. «հայի ծնունդ, համագործակցող, հայի գլուխ, դավաճան» արտահայտությունների հետ մեկտեղ  տարածված է հատկապես ՔԲԿ-ի հետ առնչություններ ունենալու շուրջ` «հիմնական թշնամիները հայերն են» հասկացությունը:

Իսկ այս իրավիճակը չի ստեղծվել միայն վերջին ժամանակաշրջանում, երբ ՔԲԿ-ի և Թուրքիայի զինված ուժերի միջև բախումները հաճախակի են դարձել. Նման արտահայություններըը 4 ամիս շարունակ, ներառյալ` ընտրական շրջանը հաճախակի են գլխավոր թեմա եղել և տարբեր թերթերում արծարծվել: Այս շրջանում քրդերի վերաբերյալ ատելություն պարունակող արտահայտությունները մեծամասամբ օրակարգ են բերվել «ահաբեկչություն» վերնագրով: Այս շրջանակում առաջ քաշվեցին բազմաթիվ օրինակներ, երբ քրդերին վերագրում են կանանց նկատմամբ գործադրվող ոճրագործություններ, մաքսանենգություն, անօրինություն և նմանատիպ այլ հանցանքներ:

Թիրախ են նաև քրիստոնյաներն ու հրեաները
Ուսումնասիրվող ժամանակաշրջանում կրոնական ինքնության վերաբերյալ ատելության արտահայտություններն ուղղված են նախ` քրիստոնեական և պա` հրեական համայնքներին: Հրեաների նկատմամբ ատելություն պարունակող արտահայտություններն առաջացել են անցյալ ժամանակաշրջանին զուգահեռ, առանց որևէ հստակ իրավիճակ թիրախ ընտրելու. տարբեր թեմաների և օրակարգային կետերի շուրջ բացասական զուգորդումներ կատարելով, իսկ քրիստոնյաների նկատմամբ ատելություն պարունակող արտահայտությունները հիմնականում օրակարգ են բերվել` միսիոներականության թեմայի շրջանակներում:

Առաջնային տեղում են սյունակագիրները

Նախկինում նմանատիպ քառամսյա ժամանակաշրջանում ատելության արատահայտությունները ֆիքսած օրինակների մեծ մասը /87 տոկոս/ տեղ է գտել վերլուծական հոդվածներում: Եթե նախկին զեկույցում ամենաշատը թիրախ էին ընտրվել քրիստոնյաները, ապա այս անգամ ատելության արտահայտության թիրախ են ընտրվել հայերը` 25 լուր, և քրդերը` 11 լուր: Բնականաբար, ինչպես միշտ ատելություն պարունակող արտահայտություններից չեն խուսափել նաև մյուս ազգային և սեռական փոքրամասնություններն ու կանայք:

01.11.2011

Akunq.net