Ինչպես հայտնում է «Վաթան» օրաթերթի լրագրողներից Իլքեր Աքգյունգյորը, Օսմանյան Կայսրության վերջին սուլթան Վահդեդդինն իրականում աջակցել է քեմալականների մղած ազգայնական պայքարին:
Մարմարա համալսարանի Գրականության ֆակուլտետի դոցենտ, դոկտոր Ալի Սաթանի գրչին պատկանող «Թուրքիան անգլիական տարեկան զեկույցներում. 1921 թ.» վերնագրով գրքում տեղ գտած անգլիական զեկույցը բացահայտում է, որ սուլթան Վահդեդդինի ղեկավարության տակ գտնվող Ստամբուլի կառավարությունն աջակցել է ազգայնական պայքարին` զենք ու ռազմամթերք ուղարկելով: 1921 թ. Թուրքիայում գտնվող Անգլիայի գերագույն կոմիսար սըր Հորաս Ռամբոլդի ներկայացրած գրավոր զեկույցի համաձայն` Ստամբուլի կառավարությունը և նախարարներից մեկը ազգայնական պայքարի ժամանակ զենք և զինամթերք է հայթայթել ռազմաճակատի համար: Մեկ այլ թեմա է նաև Ստամբուլի կառավարության` հույների դեմ մղվող պայքարում ի նպաստ Անկարայի դիրքորոշման դրսևորումը: Զեկույցի հեղինակ սըր Ռամբոլդը հայտնում է նաև, որ վարչապետ Թևֆիք փաշան և արտաքին գործերի նախարար Իզզեթ փաշան անմիջական հարաբերություններ են ունեցել Անկարայի կառավարության հետ, թեև պնդվում է հակառակը:
«Վաթան»
27.04.2011
Leave a Reply