Մամուլին և հասարակայնությանը

Մի փունջ ծաղիկ` Ցեղասպանության զոհերի հիշատակին հարգանքի տուրք մատուցելու և արդարության համար, նրանց ցավերը կիսելու և ցեղասպանությունների չկրկնվելու համար…

Միություն ընդդեմ ցեղասպանության կազմակերպությունը, որի կենտրոնը տեղակայված է Գերմանիայի Ֆրանկֆուրտ քաղաքում, հիմնադրումից ի վեր (1998 թ. սեպտեմբերի 26) շարունակում է բազմաթիվ միջոցառումներով իր աշխատանքները, որպեսզի Թուրքիայի Հանրապետությունն ընդունի 1915 թ. Ցեղասպանությունը, որը ժխտում է, և այն դատապարտվի հասարակայնության խղճի կողմից: Բազմաթիվ տարբեր միջոցառումներից բացի՝ Ցեղասպանության զոհերի հիշատակին տուրք մատուցելը, նրանց նվիրված Ցեղասպանության հուշարձանին ծաղկեպսակ ու վարդեր դնելը այն գլխավոր միջոցառումների շարքում են, որոնց նշանակություն է տալիս մեր կազմակերպությունը: Մենք, որպես այն հասարակության անդամներ, որոնց պապերը ցեղասպանություն են գործել, հակառակ պետության կոշտ ժխտողական դիրքորոշմանը` ցեղասպանության ճանաչումը, ցեղասպանության բացած վերքերի ամոքումը և ապագայում ցեղասպանություններին արգելք լինելու պատասխանատվության ստանձնումը համարում ենք մարդկային առումով մեր պարտքը, որն ունի հսկայական նշանակություն հասարակության առաջ հաստատելու առումով: Միություն ընդդեմ ցեղասպանության կազմակերպությունը հիմնադրումից ի վեր նպատակ է հետապնդում, որպես քաղաքացիական անհնազանդություն, այդ մարդկային պարտականությունը դարձնել թուրք հասարակության սեփականությունը: Քանզի ճշմարտությունները գիտակցող հասարակայնության խիղճը չի ընդունի ցեղասպանության ժխտումը և կստիպի Թուրքիայի Հանրապետության պետությանը` ճանաչել Հայոց ցեղասպանությունը: Միություն ընդդեմ ցեղասպանության կազմակերպությունը գիտակցում է, որ քաղաքացիական հասարակության կառույցների ոչ մի մարդկային ժեստ չի կարող փոխարինել այն պարտքին ու պարտականություններին, որոնք, ըստ էության, պետք է կատարի պետությունը: Ցեղասպանության ճանաչումը, ցեղասպանության բացած վերքերի ամոքումը, տուժած ժողովուրդներից խլված ունեցվածքների փոխհատուցումը Թուրքիայի Հանրապետության պարտականությունն է: Հակառակ դեպքում հասարակության խիղճը շարունակելու է Թուրքիայի Հանրապետությանը համարել ամեն տեսակի օրինականության իրավունքից զուրկ, ցեղասպանության հանցագործի պոտենցիալ վտանգ ունեցող մի պետություն: Այս տարի` ապրիլի 24-ին, Միություն ընդդեմ ցեղասպանության կազմակերպությանը հենց այդ գիտակցությամբ ներկայացնելու է միության երկրորդ նախագահ Ի. Բյուլենթ Գյուլը, ով 1915 թ. Ցեղասպանության զոհերի հիշատակին հարգանքի տուրք մատուցելու, հայ ժողովրդի և վերջինիս ճակատագիրը կիսած ու ցեղասպանության զոհ մյուս ժողովուրդների (ասորիներ, հույներ, եզդիներ) ցավը կիսելու համար ծաղկեպսակ է դնելու Երևանում գտնվող Ցեղասպանության հուշարձանին: Կազմակերպությունը հասարակայնության ներկայությամբ մեկ անգամ ևս պահանջելու է, որ Թուրքիայի Հանրապետությունն ընդունի ցեղասպանությունը և կատարի դրանից բխող բոլոր պարտավորությունները:

Հարգանքով` Միություն ընդդեմ ցեղասպանության կազմակերպության անունից

Ալի Էրթեմ

Ի. Բյուլենթ Գյուլ

Verein der Völkermordgegner e.V. Frankfurt / Main

Միություն ընդդեմ ցեղասպանության

Հեռախոս` 0049/69/5970813

E-Mail` skd@gmx.net