«Հանցանք` ուղղված մարդկայնությանը»

Թուրք մտավորականների` 1915 թ. կատարված հայերի տեղահանությանն առնչվող հայտարարությունը բուռն քննարկումների տեղիք է տալու:

Թուրք մտավորականների ապրիլքսանչորսյան հայտարարությունը

1915 թ. ապրիլի 24-ին տեղի ունեցած և հայերի կողմից որպես ցեղասպանություն որակված մեծ գաղթը և տեղի ունեցած դեպքերը մի խումբ թուրք մտավորականների կողմից հռչակվել է «թուրք-հայկական համատեղ ցավ»` նրանց իսկ կողմից պատրաստված հայտարարության մեջ:

Մահաբեր աքսորը ոճիր է` ուղղված մարդկայնությանը

«1915 թ. ապրիլի 24-ը դարեր շարունակ այս երկրի մյուս ժողովուրդների հետ կողք կողքի ապրող հայ ժողովրդի դժբախտության սկսելու օրն է, աղետ, երբ հայ ժողովուրդը` կանայք, երեխաները, զառամյալներն ու հիվանդներն էլ ներառյալ, միայն հայ լինելու պատճառով պետության հարկադրմամբ հեռացվել են իրենց տներից, տեղերից, արտերից, աշխատավայրերից, արհեստանոցներից, մահացել, սպանվել, աքսորվել և ամեն տեսակի բռնության ենթարկվել: Այն տարիներից մինչ օրս պետությունն ու կառավարություններն աշխատել են այդ սարսափելի իրադարձությունը կոծկել, արհամարհել տալ այն` ասելով, թե նման բան չի եղել, ավելին` այն օրինականացնել այնպիսի պատճառաբանություններով, ինչպիսին է` ապստամբությունը: Այնինչ, այդ մահաբեր աքսորը, որը չի կարելի է արդարացնել և ոչ մի փաստարկով, մի բացահայտ ոճիր է` ուղղված մարդկայնությանը:

Սակայն պետք է ի նկատի ունենալ, որ

քանի դեռ պետությունը շարունակում է այդ հանցանքը ժխտելու վրա հիմնված պաշտոնական քաղաքականությունը, այն տարեթվից ի վեր այս երկրի մարդկանց սրտում գաղտնի կերպով արյունահոսող վերքը խորանում է, և ավելի շատ են կաթվածահար լինում մեր բանականությունը, խիղճը, իրավունքի և արդարության զգացումը: Այլևս պետք է վերջ տանք դրան: Այդ պատճառով բոլոր նրանց, ովքեր ցանկանում են, որ այս երկիրը դառնա ճակատները բաց, խիղճները մաքուր մարդկանց երկիր, հրավիրում ենք շատ ուշացած մի մարդկային պարտքի կատարմանը: Կոչ ենք անում մարդկության հիմնարար արժեքների շուրջ համախմբված բոլորին` հայտարարել, որ Ապրիլի 24-ի մատնանշած այդ ծանր ոճիրը մեր բոլորի ցավն է…»:

13.04.2011

«Վաթան» օրաթերթ