Արդարություն և զարգացում կուսակցությունից` հայերենի իմացությամբ պատմաբան թեկնածու

Արդարություն և զարգացում կուսակցության Անկարայի 2-րդ ընտրատարածքի 9-րդ տեղամասից հայկական հարցի մասնագետ-պատմաբանի թեկնածություն է առաջադրվել: Դոկտոր, պրոֆեսոր, Անկարայի համալսարանի պատմության ֆակուլտետի դասախոս Սեյիդ Սերթչելիքը ԱԶԿ-ից առաջադրվել պատգամավորի թեկնածու:

Սերթչելիքն, ով իր դոկտորականը պաշտպանել է Ռուսաստանում, առաջին թուրք պատմաբանն է, ով գիտի հայերեն և օգտվել է Մոսկվայի և Պետերբուրգի ռուսական պետական պահոցներից: Հայկական հարցի վերաբերյալ Սերթչելիկն ունի հետազոտություն, որը ռուսական պահոցներում և գրադարաններում տարիներ ի վեր կատարած աշխատանքի արդյունք է:

2009 թ. Սերթչելիքի` «Ռուսական և հայկական աղբյուրների լույսի ներքո հայկական հարցի սկզբնավորման գործընթացը 1678-1914 թթ.» վերնագրով գիրքը թուրքերեն և անգլերեն հրապարակվել է Թուրքիայի Ազգային մեծ ժողովի կողմից: Հայտնի դարձավ, որ շուտով հրապարակվելու է նաև Սերթչելիքի նոր գիրքը, որը գրվել է ռուսական արխիվային փաստաթղթերի և հայկական աղբյուրների հիման վրա: Այն ներառում է 1914-1918 թթ.: Նա, բացի ռուսերենից, անգլերենից, հայերենից, տիրապետում է բազմաթիվ լեզուների և թուրքերենի բարբառների:

Սերթչելիքը իր ինտերնետային կայքէջում թեկնածության վերաբերյալ կատարած լուսաբանման մեջ հայտնեց, թե սպասվում է, որ 2015 թ. Հայոց ցեղասպանության (Սերթչելիքն օգտագործել է «այսպես կոչված Հայոց ցեղասպանություն» արտահայտությունը- Խմբ.) 100-ամյակի կապակցությամբ միջազգային ասպարեզում Թուրքիայի դեմ մեծ թափով բացասական քարոզարշավ կսկսվի, և արտաքին ճնշումները կմեծանան, նաև նշեց. «Այս կապակցությամբ հայտնի է, որ օրակարգ է բերվելու մեր երկրի փոխհատուցման և նույնիսկ հողերի պահանջի հարցը»:

Սերթչելիքը պարզաբանեց, որ իր համար ԹԱՄԺ-ում գտնվելու խթան է հանդիսանում հայկական հարցի վերաբերյալ կեղծ պնդումներին պատասխանելը, և հավատում է, որ դա ազգի շահերի համար անհրաժեշտ է:

http://www.dikkathaber.com/haber/20110413/ak-parti-den-ermenice-bilen-tarihci-aday-411706-0.html