Թուրքիային առնչվող սկանդալ` անգլիական թերթում

Անգլիայում ամենաշատը ընթերցվող «Մեթրո» թերթում Թուրքիան ներկայացվել է Հունաստանի սահմաններում:

Թուրքիայում ամենաշատը ընթերցվող և անվճար բաժանվող թերթերից «Մեթրո» թերթում նախանցյալ օրը տպագրված մի հրապարակման մեջ անդրադարձ է եղել համաշխարհային ճգնաժամից ազդված երկրներից մեկին՝ Հունաստանին, որը թերթի քարտեզում ներկայացվել է Թուրքիայի սահմաններում` այդպիսով տեղիք տալով մեծ սկանդալի:

Հրապարակման մեջ հիշեցվում է, որ համաշխարհային ճգնաժամից հետո Հունաստանը, Իռլանդիան ու Պորտուգալիան հասել են սնանկության եզրին, և նշվում, թե Իսպանիան ևս կարող է այդ վիճակի մեջ հայտնվել:

Սակայն երբ խոսքը գնում է Հունաստանի մասին, լուրին կցված քարտեզում երևում է, որ Թուրքիայի սահմանների մեջ գրված է Հունաստան: Բացի այդ՝ ուշադրություն է գրավում այն, որ քարտեզի վրա նշված է Հունաստանի դրոշը:

Անգլիայում բնակվող մեքենաշինական ինժեներ Քադիր Սանջաքը հայտնեց, որ վերոհիշյալ լուրն ընթերցելիս երբ տեսել է այդ քարտեզը, ապշահար է մնացել: Սանջաքը նաև խոսեց թերթի թույլ տված սխալի համար ընթերցողներից և Թուրքիայից ներողություն խնդրելու անհրաժեշտության մասին:

11.04.2011

«Վաթան» օրաթերթ