ԱԴԸՅԱՄԱՆ

ԱԴԸՅԱՄԱՆ, հնում` Հարսան մսուր. քաղաք Արևմտյան Հայաստանում (Երրորդ Հայքում), Թուրքիայի Ադըյաման նահանգի վարչական կենտրոնը:

Ադըյամանում պեղվել է ուշ հին քարե դարի ժամանակաշրջանի բնակավայր` հարուստ գտածոներով: Շրջակայքում գտնվել են նաև ժայռապատկերներ:

XIXդ. վերջին Ադըյամանում բնակվող մոտ 6 հազար հայերն ունեցել են եկեղեցի (Ս.Աստավածածին) և վարժարաններ (Ռուբինյանց և այլն):

1895թ. և 1909թ. հայկական կոտորածների ժամանակ Ադըյամանի հայերը հերոսաբար դիմադրել են թուրքական հրոսակներին: Ադըյամանի հայերի զգալի մասը բնաջնջվել է:

1971թ. Ադըյամանում ապրում էր 52 հայ ընտանիք: Ադըյամանում է ծնվել Միսաք Մանուշյանը:

Հայկական համառոտ հանրագիտարան, Հատոր 1, Երևան, 1990: