Պոլսահայերը կառուցում են նոր համայնքային հիվանդանոց

Պոլսահաերը փորձում են տեխնիկայի վերջին սարքավորումներով հագեցած նոր համայնքային հիվանդանոց կառուցել:

Պոլսահայ համայնքը Ստամբուլում արդեն երկու հիվանդանոց ունի, որոնք երկուսն էլ հիմնվել են Օսմանյան Կայսրության օրոք: Հիվանդանոցներից մեկը պատկանում է Հայ առաքելական եկեղեցուն, իսկ մյուսը` Հայ կաթոլիկ եկեղեցուն:

Նոր հիվանդանոցը կկառուցվի Սուրբ Փրկիչ հայկական հիվանդանոցի դիմաց եւ կզբաղեցնի 0,45 հեկտար տարածք։ Սուրբ Փրկիչ հիվանդանոցը կառուցել է Հարություն Ամիրա Բեզջյանը սուլթան Մահմուդ 2-րդի հրամանով:

Նոր հիվանդանոցի կառուցման համար առանձնացված տարածքը բռնագրավել էր Վաքըֆների գլխավոր տնօրինությունը, թեև նախկինում այն պատկանել է Սուրբ Փրկիչ հիվանդանոցին:

«Hürriyet Daily News & Economic Review»-ին տված հարցազրույցի ժամանակ Սուրբ Փրկիչ հիմնադրամի տնօրեն Պետրոս Շիրինօղլուն ասաց, որ երբ վերջին տարիներին Վաքըֆների մասին օրենքում փոփոխություն տեղի ունեցավ, հայ համայնքը հետ պահանջեց իրեն պատկանող ունեցվածքը. «Բռնագրավված տարածքը հետ վերադարձնելու համար շատ ջանք ենք գործադրել: Վերջապես մենք ներկայացրեցինք նախագծի թղթապանակը»:

Առաջինը Թուրքիայում

Սուրբ Փրկիչ հայկական հիվանդանոցը սպասարկում է ոչ միայն հայ համայնքին, այլև՝ ողջ հանրությանը: Հիվանդանոցը հագեցած է տեխնիկայի վերջին սարքավորումներով և  ունի 150 մահճակալ:

Հիվանդանոցն ունի բժկական բոլոր ճյուղերը` ներառյալ հոգեբուժարան, ուռուցքաբանության կենտրոն և ծերանոց: Հիվանդանոցի ծախսերը հոգում են ինչպես հաճախորդներից ստացած գումարներով, այնպես էլ՝ հայ համայնքի նվիրատվություններով:

Նոր հիվանդանոցի նախագծի վբերաբերյալ տեղեկություններ տալով` Շիրինօղլուն ասաց. «Նոր հիվանդանոցն ունենալու է սարքավորումներով հագեցած ուռուցքաբանության բաժին: Հանրապետական Թուրքիայի պատմության մեջ այս հիվանդանոցն (Սուրբ Փրկիչ-Խմբ.) առաջինն է հայ համայնքի համար: Եվ ոչ միայն հայ համայնքի համար, այլև՝ Թուրքիայի Հանրապետության համար»:

Շիրինօղլուն ասաց, որ Սուրբ Փրկիչ հիվանդանոցը Անկարայի համար երկրորդ կարևոր հայկական հաստատությունն է պատրիարքարանից հետո: Շիրինօղլուն նաև հավելեց, որ վերջին երկու տարվա ընթացքում մի քանի անգամ քաղաքական գործիչներ են այցելել հիվանդանոց. «Պատմության մեջ առաջին անգամ հիվանդանոցը ողջունեց վարչապետին, այնուհետև այցելեց առողջապահության նախարարը, այս ընթացքում հիվանդանոց այցելել են նաև բոլոր քաղաքական կուսակցությունների առաջնորդները»:

Նա ասաց, որ հիվանդանոցով հետաքրքրված է նաև թուրք ժողովուրդը, ինչը պայմանավորված է այստեղ միասին բազմաթիվ էթնոսներ ապրելու հանգամանքով: Այս փաստը Շիրինօղլուն որակեց «շատ պոզիտիվ»:

Շիրինոօղլուն պատգամավորի թեկնածու է Արդարություն և զարգացում կուսակցությունից: Մեծ հնարավորություններ կան, որ նա կընտրվի ապագա ընտրություններում: Շիրնօղլուն խուսափեց մեկնաբանություններ անել՝ բացռությամբ ազգային ընտրությունների վերաբերյալ ԱԶԿ-ի հետ իր կապի մասին:

Ի պատասխան այն հարցին, թե եթե ընտրվի պատգամավոր, ի՞նչ կավելացնի թուրքական քաղաքական կյանքին` Շիրինօղլուն ասաց. «Իմ նախապատվությունը ուղղված է երկրի ամբողջականությանը, ինչպես նաև՝ թուրքերի և հայերի միչև երկխոսության կամուրջ կառուցելուն» :

Վերջիհան Զիֆլիօղլու

HÜRRIYET DAILY NEWS

07.04.2011