Համաձայն «Gazeteciler.com» էլեկտրոնային կայքի` Հրանտ Դինքի հիմնադրած «Ակօս» շաբաթաթերթը, որը լույս է ընծայվում հայերեն և թուրքերեն լեզուներով, այսուհետ կպահվի Թուրքիայի Ազգային Մեծ ժողովի գրադարանում:
ԹԱՄԺ-ի գրադարանի պահոցում պարբերական մամուլի մաս կազմող բազմաթիվ թերթերի և ամսագրերի շարքում այսուհետ պահվելու է նաև 5 հազար տպաքանակով լույս տեսնող «Ակօս» թերթը: Այս որոշումն ընդունվել է «Խաղաղություն եւ ժողովրդավարություն» կուսակցության պատգամավոր Ուֆուք Ուրասի նախաձեռնությամբ:
Ինչպես հայտնում է «Միլլիյեթ» օրաթերթը` 1996 թ. ապրիլի 5-ին հիմնված «Ակօս» շաբաթաթերթը Պոլսի հայ համայնքի ամենաշատ վաճառվող թերթն է: Մոտավորապես 5 հազար տպաքանակով լույս տեսնող թերթը, որն առավելապես վաճառվում է Ստամբուլի այն թաղամասերում, որտեղ հայերը հոծ թիվ են կազմում, ԹԱՄԺ-ի գրադարանի պահոցում պահվելու է ԽԺԿ անդամ ՈՒ. Ուրասի ջանքերի շնորհիվ:
Որոշ համարներ բացակայում են
Ինչպես հայտնի դարձավ, փետրվար ամսից սկսած տեղական և միջազգային բազմաթիվ թերթեր ընդգրկող ԹԱՄԺ-ի գրադարանում իր տեղն է գտել նաև «Ակօս» շաբաթաթերթի ամբողջական արխիվը` սկսած 2006 թ., իսկ 1996-2005 թթ. հրապարակումներից որոշ համարներ պակասում են:
Թեև 24 էջից բաղկացած թերթի մեծ մասը թուրքերեն է, սակայն ամեն մի համարում ամենաքիչը երկու էջ առանձնացվում է հայերենին: «Ակօս» թերթի գլխավոր խմբագիրը Ռոբեր Քոփթաշն է:
08.04.2011
http://www.netgazete.com/News/764938/agos_gazetesi_15._yilinda_tbmm_kutuphanesinde.aspx
Leave a Reply