Ըստ News.am լրատվական կայքէջի` Գրողների տան դահլիճում երեկ` ապրիլի 6-ին, ժամը 15:00-ին տեղի է ունեցել պոլսահայ բանաստեղծ Զարեհ Խրախունու /Թուրքիա, Ստամբուլ/ «Տոնականչ» գրքի շնորհանդեսը: Գիրքը հրատարակվել է Հայկական պետական մանկավարժական համալսարանի «Սփյուռք» կենտրոնի եւ Գրողների միության համատեղ ջանքերով:
Նշենք, որ Զահրատից հետո արդեն 80-ն անց Զարեհ Խրախունին է պատմականորեն նվաճել վերջին շուրջ կես դարի պոլսահայ իմացական բանաստեղծության նահապետը լինելու գերագույն պատիվը:
Պոլսի Մխիթարյան վարժարանում, ապա եւ Ստամբուլի համալսարանում բարձրագույն կրթություն ստանալով` խորացել է փիլիսոփայության ու գեղագիտության գաղտնարանները եւ իր ստեղծագործությունը դրել նպատակասլաց հունի մեջ: Թերեւս այս էր գլխավոր պատճառը, որ դեռ 1940-ականներից ստեղծագործող այդ անհատականությունը որպես բանաստեղծ հանրությանը ներկայացավ բավական ուշ, համեմատաբար հասուն տարիքում, եւ առաջին քերթողագրքերը հրատարակեց 1964 թ.:
Ապրիլ 06, 2011
Leave a Reply