ԲԱԳԱՌԻՃ, Բագայառիճ, Բագառինջ. ավան Մեծ Հայքի Բարձր Հայք նահանգում՝ Կարին քաղաքից արևմուտք: Ըստ Մովսես Խորենացու՝ Տիգրան Բ Մեծը (մ.թ.ա. 95-55թթ.) Բագառիճում զետեղել է Հեփեստոս աստծո անդրին: Ագաթանգեղոսը վկայում է այնտեղ Միհր աստծո տաճարի մասին:
Միջին դարերում Բագառիճը եղել է առևտրական կենտրոն, ունեցել իջևանատներ, արհեստանոցներ: XXդ. սկզբին դեռևս նշմարվում էին բերդի և հեթանոս տաճարների ավերակները:
XXդ. սկզբին Բագառիճը խոշոր գյուղ էր. ուներ եկեղեցի (Ս.Հակոբ) և վարժարան: Բնակիչների մեծ մասը բնաջնջվել է 1915թ. Մեծ եղեռնի ժամանակ:
Հայկական համառոտ հանրագիտարան, Հատոր 1, Երևան, 1990:
Leave a Reply